જયલો કોણ છે તે બતાવી દઉં તેમ કહીને હળવદના અજીતગઢમાં દુકાનદારની દુકાનમાં કરી તોડફોડ

હળવદના અજીતગઢ ગામે રહેતો અને ટીકર ચોકડી પાસે દુકાન ધરાવતો યુવાન દુકાને બેઠો હતો ત્યારે ત્યાં અજીતગઢ ગામે રહેતો એક શખ્સ આવ્યો હતો અને પૈસાની માંગણી કરી હતી ત્યારે યુવાને પૈસા આપવાની ના પાડતા તે જતો રહ્યો હતો જો કે ત્યારબાદ ફરી પાછો ત્યાં આવ્યો હતો અને તેણે ત્યાં બોલાચાલી કરીને દુકાનમાં નુકસાની કરી હતી અને ત્યાર પછી તે જતો રહ્યો હતો અને ત્યારબાદ યુવાનને ફોન કરીને દુકાને આવું છું જયલો કોણ છે તે બતાવી દઉં તેમ કહીને ધમકી આપી હતી અને પાછો તે દુકાને આવ્યો હતો અને ત્યાં તેને મારામારી કરી હતી અને ફરી પાછો તે જતો રહ્યો હતો અને ત્યારબાદ તેને દુકાનદાર યુવાનને ફોન ઉપર દુકાને આવ તને અને તારા પરિવારને જોઈ લેવા છે “બધા પરિણામ ભોગવવા માટે તૈયાર રહેજો” તેવી ધમકી આપી હતી જેથી કરીને ભોગ બનેલા યુવાને ફરિયાદ નોંધવી છે તેના આધારે પોલીસે ગુનો નોંધી આરોપીને પકડવા માટે તજવીજ શરૂ કરી છે

બનાવની જાણવા મળતી માહિતી પ્રમાણે હળવદના અજીતગઢ ગામે રહેતા અને ટીકર ચોકડી પાસે દુકાન ધરાવતા હરેશભાઈ પ્રેમજીભાઈ અગોલા જાતે પટેલ (૩૭)એ હાલમાં જયેશ હરિભાઈ ડાંગર જાતે આહીરની સામે હળવદ તાલુકા પોલીસ સ્ટેશન ખાતે ફરિયાદ નોંધાવી છે જેમાં તેણે જણાવ્યું છે કે, ટીકર ચોકડી પાસે તેની દુકાન આવેલ છે તે દુકાને આરોપી જયેશ ડાંગર આવ્યો હતો અને પૈસાની માંગણી કરી હતી અને ત્યારે પૈસા આપવાની ના પડતા તે ત્યાંથી જતો રહ્યો હતો જોકે ત્યારબાદ તે ફરી પાછો ત્યાં આવ્યો હતો અને બોલાચાલી કરી હતી ત્યારે રાજેશભાઈ તેને સમજાવતા આરોપી ઉસકેરાઈ ગયો હતો અને તેની સાથે બોલો માથાકૂટ કરી હતી અને દુકાનમાં પાઇપને તથા કાચમાં બોક્સમાં તોડફોડ કરી નુકસાન કરી હતી અને ત્યાંથી જતો રહ્યો હતો ત્યારબાદ વેપારી યુવાને ફોન કરીને દુકાને આવું છું જયલો કોણ છે તે બતાવી દઉં તેમ કહીને ધમકી આપી અને થોડીવાર પછી તે પાછો દુકાને આવ્યો હતો અને ત્યાં જપાજપી કરી હતી અને ત્યારે ભૂદરભાઈને ડાબા હાથના અંગૂઠામાં પાઇપ વડે ઇજા કરી હતી અને રાત્રિના સમયે આ શખ્સે પાછો દુકાનદાર યુવાનને ફોન કર્યો હતો અને દુકાને આવ તને અને તારા પરિવારને જોઈ લેવા છે બધા પરિણામ ભોગવવા માટે તૈયાર રહેજો તેવી ધમકી આપી હતી જેથી કરીને ભોગ બનેલા યુવાને હળવદ તાલુકા પોલીસ સ્ટેશન ખાતે ફરિયાદ નોંધાવતા પોલીસે ગુના નોંધી આરોપીને પકડવા માટે તજવીજ શરૂ કરી છે