માળીયા (મી)માં અગાઉ થયેલ બોલાચાલીનો ખાર રાખીને યુવાન સહિત બે વ્યક્તિ ઉપર છરી-ધોકા વડે 4 શખ્સનો હુમલો વાંકાનેરમાં ભિક્ષાવૃતિ કરીને મહિલાએ એકત્રિત કરેલ 50,000 રૂપિયાની અજાણ્યા શખ્સે કરી ચોરી હળવદના બુટવડા ગામે જુગાર રમતા 5 શખ્સ ઝડપાયા હળવદના ઢવાણા ગામે યુવાને કર્યો આપઘાત: મોરબીના લાલપર ગામે તાવની બીમારીમાં બાળકીનું મોત મોરબી ગ્રાહક સુરક્ષા મંડળની લડતથી વિમેદારને આઠ લાખ ખર્ચ સહીત ચૂકવવા હુકમ મોરબીમાં આજ રાતના સતવારા સમાજ સંગઠન દ્રારા કારકિર્દી માર્ગદર્શન સેમિનાર, રવિવારે રાતના ભારતીય વિચાર મંચ દ્વારા યુવા મંચ કાર્યક્રમનું આયોજન મોરબીમાં ભારતી વિદ્યાલયના વિદ્યાર્થીઓ દ્વારા સ્મશાનની પવિત્ર ભૂમિ ઉપર તિરંગો લહેરાવીને સલામી અપાઈ મોરબીમાં સ્નેહની રાખી - સ્વાવલંબનની ડોરની થીમ પર આધારિત પ્રદર્શન-સહ-વેચાણ રાખી મેળાને રાજ્યમંત્રી ત્રિકમભાઈ છાંગાએ ખુલ્લો મુક્યો

Breaking news

Morbi Today

મોરબીના બરવાળા ગામે શેરીમાંથી મીઠો લીમડો લેવા બાબતે મહિલાને ધમકી, દંપતી સામે ફરિયાદ

21-11-2023 10:38 AM

મોરબી તાલુકાના બરવાળા ગામે શેરીમાંથી મીઠો લીમડો લેવા જેવી સામાન્ય બાબતે બોલાચાલી ઝઘડો થયો હતો અને જેમાં દંપતિ દ્વારા મહિલાને જેમ ફાવે તેમ બોલી જાનથી મારી નાંખવાની ધમકી આપવામાં આવી હોવાની ફરિયાદ નોંધાતા તાલુકા પોલીસે આગળની તપાસ હાથ ધરી છે.

મોરબી તાલુકા પોલીસ સુત્રોના જણાવ્યા પ્રમાણે મોરબી તાલુકાના બરવાળા ગામે રહેતી તેજસ્વીબેન દિલીપભાઈ ડાભી નામની ૨૩ વર્ષીય મહિલાએ બરવાળા ગામના જ કાંતિભાઈ કરશનભાઈ પરમાર અને તેમના પત્ની કંચનબેન કાંતિભાઈ પરમાર સામે ફરિયાદ નોંધાવી જણાવ્યું હતું કે શેરીમાં આવેલ મીઠો લીમડો લેવા જતા સમયે કંચનબેને તેઓની સાથે બોલાચાલી-ઝઘડો કર્યો હતો અને ગાળો આપી હતી અને બાદમાં બંનેએ બોલાચાલી કરી જાનથી મારી નાંખવાની ધમકી આપી હતી.હાલ ફરિયાદ નોંધાવાતા પોલીસે આઇપીસી કલમ ૫૦૪, ૫૦૬(૨), ૧૧૪ મુજબ ગુનો નોંધ્યો છે અને તપાસ અધિકારી અર્જુનસિંહ ઝાલા દ્વારા કાંતિભાઈ કરશનભાઈ પરમાર (ઉમર ૫૦) રહે.બરવાળાની ઉપરોક્ત બાબતે ધરપકડ કરવામાં આવી હતી.

વાહન અકસ્માતમાં ઇજા

ટંકારા તાલુકાના સરૈયા ગામે વાડી વિસ્તારમાં રહીને મજૂરી કામ કરતા વાસુદેવભાઈ ખુમસિંગ હઠીલા (ઉમર ૩૫) અને લીલાબેન વાસુદેવ હઠીલા (ઉમર ૩૫) ને ટંકારાના હિરાપર રોડ ઉપર વાહન અકસ્માતના બનાવમાં ઇજાઓ થતા મોરબીની સરકારી હોસ્પિટલે સારવાર માટે લાવવામાં આવ્યા હોય ત્યાં તેઓની સારવાર કરવામાં આવી હતી અને એ ડિવિઝનમાં જાણ કરાતા એ ડિવિઝન પોલીસ મથકના વી.કે.પટેલ દ્વારા પ્રાથમિક તપાસ કરીને બનાવ અંગે ટંકારા પોલીસમાં જાણ કરાઈ હતી.

મહિલા સારવારમાં

ટંકારા તાલુકાના નેસડા (ખાનપર) ગામે રહેતા અલ્પાબેન જીતેન્દ્રગીરી ગોસ્વામી નામની ૩૪ વર્ષીય મહિલા કોઈ અગમ્ય કારણોસર તેના ઘરે ફીનાઇલ પી ગયા હતા.જેથી તેઓને મોરબીની નક્ષત્ર હોસ્પિટલ ખાતે સારવાર માટે લાવવામાં આવ્યા હતા.અહીં તેઓની સારવાર કરવામાં આવ્યા બાદ પોલીસમાં જાણ કરવામાં આવી હતી.પ્રથમ મોરબી સીટી એ ડિવિઝન પોલીસ મથકના હરેશભાઈ ચાવડા દ્વારા પ્રાથમિક તપાસ કરીને બનાવ ટંકારા પોલીસ મથકનો હોય ત્યાં જાણ કરવામાં આવી હતી.અલ્પાબેનનો લગ્નગાળો ૧૦ વર્ષનો અને બે સંતાન હોવાનું પોલીસ સૂત્રોએ જણાવેલ છે.