મોરબીના ટિંબડી પાટીયા પાસે અકસ્માત કરીને યુવાનનું મોત નિપજાવનારા ટ્રક ચાલકની ધરપકડ

મોરબી માળિયા હાઇવે ઉપર ટિંબડી ગામના પાટીયા પાસે ઉમિયા હોટલની સામેના ભાગમાંથી બાઇક લઈને યુવાન પસાર થઈ રહ્યો હતો ત્યારે ટ્રક ચાલકે તેના બાઇકને હડફેટે લીધું હતું જેથી કરીને અકસ્માતનો બનાવ બન્યો હતો અને તેમાં યુવાનને માથાના ભાગે ગંભીર ઇજા થઈ હતી તથા પેટના ભાગે ઇજા થઈ હોવાથી તેને સારવારમાં લઈ ગયા હતા અને ત્યાં તેનું મોત નીપજયું હતું જેથી મૃતક યુવાનના પિતા દ્વારા ટ્રક ચાલક સામે ફરિયાદ નોંધવામાં આવતા પોલીસે આરોપીને પકડી આગળની રાબેતા મુજબની કાર્યવાહી હાથ ધરી છે

બનાવી જાણવા મળતી માહિતી મુજબ મૂળ ખાખરેચી ગામના રહેવાસી અને હાલમાં મોરબી માળિયા હાઇવે ઉપર ટીંબાવાડી મફતીયાપરામાં ઉમિયા હોટલની પાછળના ભાગમાં રહેતા કાનજીભાઈ પોલાભાઈ ખાંભળીયા જાતે કોળી (૪૦)એ ટ્રક નંબર જીજે ૩૬ ટી ૯૫૧૦ ના ચાલક સામે મોરબી બી ડિવિઝન પોલીસ સ્ટેશન ખાતે ફરિયાદ નોંધાવી છે જેમાં તમેને જણાવ્યુ છે કે, ટિંબડી ગામના પાટીયા પાસે ઉમિયા હોટલની સામેના ભાગમાંથી તેનો દીકરો કિશનકુમાર (૨૨)  પોતાનું બાઈક નંબર જીજે ૩૬ પી ૧૧૬૭ લઈને જઈ રહ્યો હતો ત્યારે આરોપીએ પોતાના હવાલા વાળો ટ્રક બેફિકરાયથી ચલાવ્યો હતો અને બાઇકને હડફેટે લેતા ફરિયાદીના દીકરાને માથા અને પેટના ભાગે ગંભીર ઇજા થઈ હતી જેથી તેને સારવાર માટે હોસ્પિટલે લઇ ગયા હતા ત્યાં સારવાર દરમિયાન તેનું મોત નિપજ્યું હતું જેથી કરીને અકસ્માત મૃત્યુના બનાવમાં મૃતક યુવાનના પિતાએ નોંધાવેલ ફરિયાદ આધારે પોલીસે ટ્રક ચાલક અબ્બાસભાઈ અલ્લારખાભાઈ મોવર (૩૩) રહે હાલ શકતીનગર ટિંબડી પાટીયા મૂળ રહે ધાંગધ્રા વાળાની ધરપકડ કરી આગળની રાબેતા મુજબની હાજરી છે