હળવદ નજીક બાઇકને કાર ચાલકે હડફેટે લેતા સિક્યુરિટી ગાર્ડ તરીકે ફરજ બજાવતા વૃદ્ધનું મોત
SHARE
JOIN OUR GROUP
હળવદ નજીક બાઇકને કાર ચાલકે હડફેટે લેતા સિક્યુરિટી ગાર્ડ તરીકે ફરજ બજાવતા વૃદ્ધનું મોત
હળવદ જીઆઇડીસીની પાછળના ભાગમાં રહેતા વૃદ્ધ સિક્યુરિટી ગાર્ડ તરીકે ફરજ બજાવતા હોય તેવો પોતાનું બાઈક લઈને ફરજ ઉપર જઈ રહ્યા હતા ત્યારે રસ્તામાં જીઆઇડીસીની સામેના ભાગમાં રોડ ઉપર કાર ચાલકે તેઓના બાઇકને લીધું હતું જેથી કરીને અકસ્માતનો બનાવ બન્યો હતો અને તેમાં વૃદ્ધને માથા, ડાબા હાથ તેમજ શરીરે ઇજા થયેલ હતી જેથી તેઓને સારવાર માટે ખસેડવામાં આવ્યા હતા અને સારવાર દરમિયાન તેનું મોત નિપજયુ છે જેથી હાલમાં મૃતક વૃદ્ધના દીકરાએ હળવદ તાલુકા પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધી આરોપીને પકડવા માટે તજવીજ શરૂ કરી છે
બનાવની જાણવા મળતી માહિતી મુજબ હળવદ જીઆઇડીસીની પાછળના ભાગમાં રહેતા મેહુલભાઈ વિહાભાઇ સરૈયા જાતે ભરવાડ (૨૦)એ હાલમાં હળવદ તાલુકા પોલીસ સ્ટેશન ખાતે ગાડી નંબર જીજે ૧૯ એએ ૦૦૯૦ ના ચાલકની સામે ફરિયાદ નોંધાવેલ છે જેમાં તેને જણાવ્યું છે કે તેઓના પિતા બાઈક નંબર જીજે ૧૮ એએસ ૦૭૪૯ લઈને વિસામો હોટલની પાછળના ભાગમાં સિક્યુરિટી ગાર્ડ તરીકે ફરજ બજાવતા હોય ત્યાં જઈ રહ્યા હતા ત્યારે હળવદ માર્કેટયાર્ડ સામે નવજીવન વિકલાંગ આશ્રમ પાસે હાઇવે રોડ ઉપર તેઓના બાઈકને ગાડીના ચાલકે હડફેટે લીધું હતું જેથી ફરિયાદીના પિતાને માથા, ડાબા હાથ અને શરીરે ગંભીર ઇજા થયેલ હતી જેથી તેઓને તાત્કાલિક સારવાર માટે હોસ્પિટલે લઈ ગયા હતા અને હોસ્પિટલે સારવાર દરમિયાન તેઓનું મોત નીપજયું હતું જેથી અકસ્માત મૃત્યુના આ બનાવમાં મૃતક વૃદ્ધના દીકરાએ હાલમાં હળવદ તાલુકા પોલીસ સ્ટેશન ખાતે ફરિયાદ નોંધાવતા પોલીસે ગાડીના ચાલક સામે ગુનો નોંધી આરોપીને પકડવા માટે તજવીજ શરૂ કરેલ છે
મહિલા સારવારમાં
મોરબી તાલુકાના જૂની પીપળી ગામે રહેતા નાનુબેન વાલજીભાઈ પરમાર (૬૪) નામના વૃદ્ધાને મોરબી શહેરના નગર દરવાજા ચોક પાસે કોઈ અજાણ્યા બાઈક ચાલકે હડફેટે લેતા તેને સારવાર માટે મોરબીની ખાનગી હોસ્પિટલમાં લઈને આવ્યા હતા અને ત્યાં તેને સારવાર આપ્યા બાદ આ બનાવની હોસ્પિટલ મારફતે મોરબી એ ડિવિઝન પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે અને આ બનાવની આગળની વધુ તપાસ એચ.એમ, ચાવડા ચલાવી રહ્યા છે
