મોરબીના ભડીયાદ ખાતે રહેતો યુવાન એસિડ પી જતાં સારવારમાં

મોરબી નજીકના ભડીયાદ પાસે આવેલ રામાપીરના ઢોરા પાસે રહેતો યુવાન પોતાના ઘરે હતો ત્યારે ત્યાં કોઈ કારણોસર તે એસિડ પી ગયો હતો જેથી કરીને તે યુવાને તાત્કાલિક સારવાર માટે મોરબીના સામાકાંઠા વિસ્તારમાં આવેલ ખાનગી હોસ્પિટલ ખાતે લઈને આવ્યા હતા ત્યાં તેને સારવાર આપ્યા બાદ આ બનાવની હોસ્પિટલ મારફતે મોરબી એ ડિવિઝન પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી હતી

બનાવની જાણવા મળતી માહિતી મુજબ મોરબીના ભડીયાદ પાસે આવેલ રામાપીરના ઢોરા પાસે રહેતા માવજીભાઈ મોતીભાઈ ઠોરીયા (૩૩) નામનો યુવાન પોતાના ઘરે હતો ત્યારે સાંજના સમયે કોઈ કારણોસર તેને પોતાના ઘરે એસિડ પી લીધું હતું જેથી કરીને તે યુવાનને સારવાર માટે મોરબીના સામાકાંઠા વિસ્તારમાં આવેલ ખાનગી હોસ્પિટલ ખાતે લઈને આવ્યા હતા અને ત્યાં તેને સારવાર આપ્યા બાદ આ બનાવની હોસ્પિટલ મારફતે મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી છે અને આ બનાવની આગળની વધુ તપાસ મોરબી તાલુકા પોલીસ સ્ટેશનના વી.એસ. ડાંગર ચલાવી રહ્યા છે

અકસ્માતમાં ઇજા

મોરબી વાંકાનેર હાઇવે ઉપર આવેલ મકનસર ગામે રહેતો વિવેક દેવરાજભાઈ બાબરીયા (૨૩) નામનો યુવાન પોતાનું બાઈક લઈને મકનસર ગામ પાસે આવેલ રિકોન સીરામીક પાસેથી પસાર થઈ રહ્યો હતો ત્યારે ડિવાઈડર સાથે બાઈક અથડાતાં અકસ્માતનો બનાવ બન્યો હતો અને અકસ્માતના બનાવમાં વિવેક બાબરીયાને ઈજા થઈ હોવાથી તેને મોરબી શહેરમાં આવેલ ખાનગી હોસ્પિટલે સારવાર માટે લઈને આવ્યા હતા અને ત્યાં તેને સારવાર આપીને આ બનાવની હોસ્પિટલ મારફતે મોરબી તાલુકા પોલીસને જાણ કરવામાં આવતા પોલીસે બનાવી નોંધ કરી આગળની કાર્યવાહી કરી હતી અને આ બનાવની આગળની વધુ તપાસ મોરબી તાલુકા પોલીસ સ્ટેશનના એમ.જે. કહાંગરા ચલાવી રહ્યા છે