મોરબીના જોધપર ગામે ખુલ્લા પ્લોટમાં રાખવામા આવેલ ટ્રેક્ટર ટ્રોલીની ચોરી કરનારા આરોપીની ધરપકડ

મોરબી તાલુકાના જોધપર નદી ગામે હનુમાનજી મંદિર પાસે ખુલ્લા પ્લોટમાં પડેલ ટ્રેક્ટરની ટ્રોલી રાખવામા આવી હતી જે ટ્રૉલીની ચોરી કરવામા આવી છે જેથી કરીને ભોગ બનેલા યુવાન દ્વારા એક શખ્સની સામે મોરબી તાલુકા પોલીસ સ્ટેશન ખાતે ટ્રેક્ટર ટ્રોલીની ચોરીની ફરિયાદ નોંધાવવામાં આવી હતી જેના આધારે પોલીસે આરોપીને પકડીને આગળની રાબેતા મુજબની કાર્યવાહી હાથ ધરી છે

બનાવની જાણવા મળતી માહિતી મુજબ મોરબી નજીક રવાપર ગામ પાસે આવેલ બોની પાર્ક સોસાયટીમાં ગોકુલ એપાર્ટમેન્ટ બ્લોક નંબર ૨૦૨ માં તથા મોરબી તાલુકાના જોધપર નદી ગામ ખાતે રહેતા ગૌતમભાઈ વલમજીભાઇ રાજપરા જાતે કડવા પટેલ (૩૫)એ મોરબી તાલુકા પોલીસ સ્ટેશન ખાતે અલ્કેશભાઇ બાબુભાઈ મછાર જાતે આદિવાસી પટેલિયા (૨૧) રહે. હાલ ભડીયાદ ગામની સીમમાં આવેલ ગુરુકૃપા સિલિકેટ નામના કારખાનાની ઓરડીમાં મોરબી વાળાની સામે ચોરીની ફરિયાદ નોંધાવી હતી જેમાં તેમણે જણાવ્યું હતું કે, મોરબી તાલુકાના જોધપર ગામે હનુમાનજી મંદિર પાસે દિલીપભાઈ ગોરધનભાઈ દેસાઈના ખુલ્લા પ્લોટમાં જાહેરમાં ફરિયાદીના પિતા વાલમજીભાઇ ગોરધનભાઈ રાજપરાની માલિકીની ટ્રેક્ટર ટ્રોલી નંબર જીજે ૩ એવાય ૧૩૦૭ મૂકી હતી જે ટ્રેક્ટર ટ્રોલીની ચોરી કરવામાં આવી હતી જેથી એક લાખ રૂપિયાની કિંમતની ટ્રેક્ટર ટ્રોલીની ચોરી થઈ હોવાની ભોગ બનેલા યુવાને ફરિયાદ નોંધાવતા પોલીસે ગુનો નોંધી આરોપીને પકડીને આગળની રાબેતા મુજબની કાર્યવાહી હાથ ધરી છે