વાંકાનેર માર્કેટ યાર્ડના ચેરમેન સામે મોરબીમાં આર્મ્સ એક્ટનો ગુનો નોંધાયો
Morbi Today
મોરબીના લાલપર પાસે કારખાનામાં રિવર્સમાં આવેલ લોડરના ચાલકે કચડી નાખતા વૃદ્ધનું મોત
SHARE
JOIN OUR GROUP
મોરબીના લાલપર પાસે કારખાનામાં રિવર્સમાં આવેલ લોડરના ચાલકે કચડી નાખતા વૃદ્ધનું મોત
મોરબી નજીકના લાલપર ગામ પાસે આવેલ સીરામીક કારખાનામાં માટી વિભાગમાં લોડરના ચાલકે બેફિકરાઈથી પોતાનું વાહન રિવર્સમાં લીધું હતું જેથી ચાલીને પાછળથી પસાર થઈ રહેલા વૃદ્ધ લોડરની હેડફેટે ચડી જતા તેના શરીર ઉપર લોડરના ટાયર ફરી ગયા હતા જેથી કરીને તેનું મોત નીપજયું હતું હાલમાં અકસ્માત મૃત્યુના બનાવમાં મૃતક વૃદ્ધના દીકરાએ મોરબી તાલુકા પોલીસ સ્ટેશન ખાતે લોડરના ચાલક સામે ફરિયાદ નોંધાવતા પોલીસે ગુનો નોંધીને આગળની કાર્યવાહી કરેલ છે
બનાવની જાણવા મળતી માહિતી મુજબ મોરબીના લાલપર ગામે પ્લોટ વિસ્તારમાં નવા બાલમંદિર પાસે રહેતા દિલીપભાઈ પ્રેમજીભાઈ ઓગણજા જાતે પટેલ (૩૨)એ હાલમાં મોરબી તાલુકા પોલીસ સ્ટેશન ખાતે લોડર નંબર જીજે ૩૬ એસ ૧૦૫૭ ના ચાલક સામે ફરિયાદ નોંધાવેલ છે જેમાં તેમણે જણાવ્યું છે કે મોરબી નજીકના લાલપર ગામ પાસે આવેલ સનગ્લોઝ સિરામિક કારખાનાના માટી વિભાગમાં તેઓના પિતા પ્રેમજીભાઈ રતુભાઈ ઓગણજા જાતે પટેલ (૬૫) ચાલીને જઈ રહયા હતા ત્યારે લોડર ચાલકે પોતાનું વાહન રિવર્સમાં લેતા સમયે તેઓના પિતાને હડફેટે લીધા હતા જેથી પ્રેમજીભાઈના શરીર ઉપરથી લોડરના વ્હીલ ફરી જતા તેનું મોત નીપજયું હતું ત્યારબાદ આ બનાવ અંગે હાલમાં મૃતકના દીકરા દ્વારા મોરબી તાલુકા પોલીસ સ્ટેશન ખાતે ફરિયાદ નોંધાવવામાં આવેલ છે જેના આધારે પોલીસે ગુનો નોંધીને આરોપીને પકડવા માટે તજવીજ શરૂ કરેલ છે
