મોરબીના બોડકી ગામ પાસે યુવાનને બે શખ્સોએ ક્રિકેટ રમવાના બેટ વડે માર માર્યો

મોરબીના સોલંકીનગર ખાતે રહેતા યુવાનને બે શખ્સો દ્વારા કોઈ કારણોસર ક્રિકેટ રમવાના બેટ વડે માર મારવામાં આવ્યો હતો જેથી ઈજા પામેલ યુવાનને સારવાર માટે હોસ્પિટલે લઈ ગયા હતા અને આ બનાવ સંદર્ભે યુવાને નોંધાવેલ ફરિયાદ આધારે પોલીસે હાલમાં ગુનો નોંધીને આરોપીને પકડવા માટે તજવીજ શરૂ કરેલ છે

મોરબીના સોલંકીનગર ગામ રહેતા અશોકભાઈ લક્ષ્મણભાઈ અખિયાણી (22) એ અજાણ્યા બે શખ્સોની સામે મોરબી તાલુકા પોલીસ સ્ટેશન ખાતે ફરિયાદ નોંધાવેલ છે જેમાં જણાવ્યુ છે કે, તેને ઝીંઝુડા ગામ નજીક બોડકી ગામ તરફ જવાના રસ્તા ઉપર અજાણ્યા બે શખ્સો દ્વારા ક્રિકેટ રમવાના બેટ વડે શરીરે આડેધડ માર મારવામાં આવ્યો હતો જેથી યુવાનને વાસા તથા પગના ઢીંચણના ભાગે અને શરીરે ગંભીર ઇજા થઈ હોવાથી તેને સારવાર માટે હોસ્પિટલે લઈ ગયા હતા અને આ બનાવમાં ઈજા પામેલ યુવાને સારવાર લીધા બાદ હાલમાં મોરબી તાલુકા પોલીસ સ્ટેશન ખાતે નોંધાવેલ ફરિયાદ આધારે પોલીસે અજાણ્યા બે શખ્સોની સામે ગુનો નોંધી આરોપીઓને પકડવા માટે તજવીજ શરૂ કરેલ છે