મોરબીમાં રઘુવંશી યુવક મંડળ દ્વારા રમતગમત-વેશભૂષા અને ડાન્સ કોમ્પીટીશન યોજાઇ

મોરબીમાં રઘુવંશી યુવક મંડળ દ્વારા લોહાણા જ્ઞાતિના વિદ્યાર્થીઓને પ્રોત્સાહિત કરવા તથા તેમનામાં રહેલી આંતરિક શક્તિઓને બહાર લાવવા માટે લોહાણા વિદ્યાર્થી ભુવન મોરબી ખાતે રમતગમત, વેશભૂષા અને ડાન્સ કોમ્પિટિશનનું આયોજન કરવામાં આવેલ હતું.

મોરબીમાં રઘુવંશી યુવક મંડળના પ્રમુખ જયેશભાઈ કોટેચાના જણાવ્યૂ હતું કે, આ કાર્યક્રમમાં ભાગ લેવા માટે ૪૦૦ થી વધુ વિદ્યાર્થીઓએ અલગ અલગ સ્પર્ધા ફોર્મ ભરેલા હતા. તેમાંથી દરેક સ્પર્ધામાં પ્રથમ, દ્રિતીય તથા તૃતીય નંબર મેળવનાર ૪૦ થી વધુ વિધાર્થીઓને ઈનામ અર્પણ કરેલ હતા તથા વિદ્યાર્થીઓને પ્રોત્સાહિત કરવા માટે ૬૫૦ થી વધુ જ્ઞાતીજનોએ હાજરી આપી હતી અને આ કાર્યક્રમને સફળ બનાવેલ હતો આ કાર્યક્રમને સફળ બનાવવા માટે રઘુવંશી યુવક મંડળના પ્રમુખ જાયેશભાઈ કોટેચા, ઉપપ્રમુખ રવિભાઈ કોટેચા, સેક્રેટરી રોનકભાઈ કારીયા, પ્રો. ચેરમેન તેજસભાઈ બારા તથા રઘુવંશી યુવક મંડળના બધા જ કારોબારી સભ્યોએ જહેમત ઉઠાવી હતી.