મોરબીના લાયન્સ ક્લબ દ્વારા રાહદારીઓ તથા વૃદ્ધો માટે બેસવા બેંચ મુકાઇ
Morbi Today
મોરબીમાં રાષ્ટ્રીય યુવા દિવસ ૧૨ જાન્યુઆરી સ્વામિ વિવેકાનંદ જયંતીનાં અનુસંધાને વેસ્ટમાંથી બેસ્ટ બનાવીએ સ્પર્ધા
SHARE
JOIN OUR GROUP
મોરબીમાં રાષ્ટ્રીય યુવા દિવસ ૧૨ જાન્યુઆરી સ્વામિ વિવેકાનંદ જયંતીનાં અનુસંધાને વેસ્ટમાંથી બેસ્ટ બનાવીએ સ્પર્ધા
સ્વામી વિવેકાનંદ જયંતિ એટલે કે રાષ્ટ્રીય યુવા દિવસની ૧૨ જાન્યુઆરીના રોજ ઉજવણી થતી હોય છે તે નિમિત્તે મોરબીના આર્યભટ્ટ લોક વિજ્ઞાન કેન્દ્ર દ્વારા વેસ્ટમાંથી બેસ્ટ બનાવવા માટેની સ્પર્ધાનું આયોજન કરવામાં આવેલ છે.લોકો તેમજ ખાસ કરીના બાળ માનસના આઈડીયા અન્યોનાં માર્ગદર્શન હેઠળ વિકસે તેમજ તેમનામાં કલા, કૌશલ્ય, કારીગરીથી અન્યોને શીખવા, સમજવા, સમજાવવા અને સ્વરોજગારી મેળવવામાં મદદરૂપ થઈ વ્યક્તિ સ્વનિર્ભર બની શકે તેમજ ખરા અર્થમાં આત્મનિર્ભર ભારતનું નિર્માણ થાય તે હેતુથી તેમજ વેસ્ટમાંથી સર્વશ્રેષ્ઠ ગૃહ સજાવટની અવનવી વસ્તુઓ બનાવવાનું કૌશલ્ય વિકસે તે માટે સ્પર્ધાનું આયોજન કરાયેલ છે
ગુજરાત કાઉન્સિલ ઓન સાયન્સ એન્ડ ટેકનોલોજી ગુજરાત સરકાર ગાંધીનગર માન્ય આર્યભટ્ટ લોક વિજ્ઞાન કેન્દ્ર ધી વી.સી.ટેક.હાઈસ્કૂલ મોરબી દ્વારાં "રાષ્ટ્રીય યુવા દિવસ" ૧૨-જાન્યુઆરી "સ્વામિ વિવેકાનંદ જયંતિ" એ એક સંકલ્પ કરીએ આવો "વેસ્ટમાંથી બેસ્ટ બનાવીએ થીમ હેઠળ વેસ્ટમાંથી સર્વશ્રેષ્ઠ અવનવી ગૃહ સજાવટની વસ્તુઓ વેસ્ટ કપડાં, ઉન, પ્લાસ્ટીક, કાગળ, પ્લાસ્ટીક બોટલ, કેન્ડીની સળી, બાકસની સળી, પક્ષીઓનાં પીંછા, નકામી સીડી, કાગળ, નકામા બોક્સ વગેરે જેવી અનેક જુની ચીજ-વસ્તુઓમાંથી વિવિધ ગૃહ સુશોભનની વસ્તુઓ જેવી કે ફુલ, રમકડાં, માસ્ક, તોરણ, થેલી, ઢીંગલી, પર્સ, ફુલદાની, પક્ષીઘર વગેરે વગેરે જેવી આપની મનપસંદ આઈટમ બનાવવાની સ્પર્ધા યોજાયેલ હોય તેમા ભાગ લેવા માટે સ્પર્ધકોએ જરુરી વસ્તુઓ સાથે લઈને આવવાની રહેશે. સ્પર્ધા તા.૧૨-૧-૨૪ ના રોજ સવારે ૧૦:૩૦ થી ૪:૩૦ દરમિયાન આર્યભટ્ટ લોક વિજ્ઞાન કેન્દ્ર ધી વી.સી.ટેક.હાઈસ્કૂલ રૂમ નં.૨૦૨ ખાતે યોજાશે.વધુ માહીતી માટે એલ.એમ.ભટ્ટ (મો.૯૮૨૪૯ ૧૨૨૩૦) અથવા દિપેનભાઈ ભટ્ટ (મો.૯૭૨૭૯ ૮૬૩૮૬) ઉપર તા.૧૦-૧ પહેલા એન્ટ્રી નોંધાવવાની રહેશે
