હળવદના ફ્રેન્ડ્સ યુવા સેવા ગ્રુપ દ્વારા વિનામૂલ્ય ધાબળાનું વિતરણ કરાયું
Morbi Today
મોરબીના લીલાપર રોડે ન્યુ પ્રજાપત સોસાયટીના મકાનમાંથી ૪૧ બોટલ દારૂ સાથે એકની ધરપકડ
SHARE
JOIN OUR GROUP
મોરબીના લીલાપર રોડે ન્યુ પ્રજાપત સોસાયટીના મકાનમાંથી ૪૧ બોટલ દારૂ સાથે એકની ધરપકડ
મોરબીના લીલાપર રોડ ઉપર આવેલ ન્યુ પ્રજાપત સોસાયટીના રહેણાંક મકાનમાં દારૂનો જથ્થો અંગેની એલસીબીની ટીમને હકીકત મળી હતી જેના આધારે પોલીસે ત્યાં દારૂની રેડ કરી હતી ત્યારે ઘરમાંથી દારૂની ૪૧ બોટલ મળી આવી હતી જેથી પોલીસે ૨૫,૩૧૦ ની કિંમતનો દારૂ કબજે કરીને આરોપીની ધરપકડ કરી આગળની રાબેતા મુજબની કાર્યવાહી હાથ ધરી હતી
જાણવા મળતી માહિતી મુજબ મોરબી જિલ્લા એલસીબીની ટીમ પેટ્રોલિંગમાં હતી ત્યારે મોરબીના લીલાપર રોડ ઉપર આવેલ ન્યુ પ્રજાપત સોસાયટીમાં રહેતા જગદીશભાઈ સાવધારના મકાનમાં દારૂનો જથ્થો હોવા અંગેની ચોક્કસ હકીકત મળી હતી જેના આધારે પોલીસે ત્યાં દારૂની રેડ કરી હતી ત્યારે ઘરમાંથી દારૂની અલગ અલગ બ્રાન્ડની કુલ મળીને ૪૧ બોટલો મળી આવી હતી જેથી કરીને પોલીસે ૨૫,૩૧૦ ની કિંમતનો દારૂનો જથ્થો સ્થળ ઉપરથી કબજે કર્યો હતો અને આરોપી જગદીશભાઈ સામતભાઈ સાવધાર જાતે રબારી (૩૨) રહે. લીલાપર રોડ પાંજરાપોળ સામે ન્યુ પ્રજાપત સોસાયટી શેરી નં-૨ મોરબી વાળાની ધરપકડ કરી હતી અને તેની સામે મોરબી સીટી એ ડિવિઝન પોલીસ સ્ટેશન ખાતે ગુનો નોંધવામાં આવ્યો હતો અને આ શખ્સની પાસેથી મળી આવેલ દારૂની બોટલો તે ક્યાંથી લાવ્યો હતો તે દિશામાં હવે મોરબી સીટી એ ડિવિઝન પોલીસ સ્ટેશનના પીએસઆઇ એ.વી. પાતાળિયા તપાસ ચલાવી રહ્યા છે
ત્રણ બોટલ દારૂ
મોરબી રાજકોટ હાઇવે ઉપર આવેલ મિતાણા ચોકડી પાસેથી પસાર થઈ રહેલા બે શખ્સોને રોકીને પોલીસે ચેક કર્યા હતા ત્યારે તેની પાસેથી દારૂની ત્રણ બોટલો મળી આવી હતી જેથી પોલીસે ૯૦૦ ની કિંમતની દારૂની બોટલો કબજે કરી હતી અને આરોપી વિપુલસિંહ દશરથસિંહ જાડેજા જાતે દરબાર (૨૪) રહે. વીરવાવ. હરદીપસિંહ શક્તિસિંહ જાડેજા જાતે દરબાર (૨૫) રહે. વીરવાવ વાળાની ધરપકડ કરેલ છે અને તેની પાસેથી રવિરાજસિંહ જગતસિંહ જાડેજા રહે. વીરવાવ વાળાનું નામ સામે આવ્યું હોય તેને પકડવા માટે ટંકારા પોલીસે તજવીજ શરૂ કરી છે અને આ અંગેની આગળની વધુ તપાસ આર.એન. કંઝારીયા ચલાવી રહ્યા છે
