લોકસભા કાઉન ડાઉન: કચ્છ-મોરબી બેઠક માટે કમલેશભાઈ મીરાણી-ભાવનગર બેઠક માટે બ્રિજેશભાઈ મેરજા પ્રભારી

લોકસભા ચૂંટણીની ભાજપ દ્વારા છેલ્લા ઘણા સમયથી તૈયારી શરૂ કરી દેવામાં આવી છે અને આગામી દિવસોમાં હવે ગમે ત્યારે ચૂંટણી જાહેર કરવામાં આવે તેવી શક્યતા છે તેવામાં ભાજપ દ્વારા લોકસભા બેઠકો માટે પ્રભારીના નામ જાહેર કરવામાં આવેલ છે તેમાં માજી મંત્રી અને મોરબીના માજી ધારાસભ્ય બ્રિજેશભાઈ મેરજાને ભાવનગર લોકસભા બેઠકના પ્રભારી બનાવવામાં આવ્યા છે જો કે, કચ્છ-મોરબી બેઠકના પ્રભારી તરીકે કમલેશભાઈ મીરાણીને જવાબદારી સોપવામાં આવી છે

ગઇકાલે પ્રદેશ ભાજપ અધ્યક્ષ સી.આર.પાટીલ દ્વારા લોકસભાની તમામ બેઠકો માટે પ્રભારીઓના નામ જાહેર કરવામાં આવેલ છે તેમાં માજી મંત્રી બ્રિજેશભાઈ મેરજાને ભાવનગર લોકસભા બેઠકના પ્રભારી બનાવેલ છે અને કચ્છ -મોરબી બેઠકના પ્રભારી તરીકે રાજકોટ શહેર ભાજપના માજી પ્રમુખ કમલેશભાઈ મીરાણીને જવાબદારી સોપવામાં આવી છે જેથી અયોધ્યાનો કાર્યક્રમ પૂરો થયા પછી ગમે ત્યારે લોકસભાની ચૂંટણી જાહેર કરવામાં આવે તેવી પૂરે પૂરી શક્યતા છે