મોરબી જિલ્લાના ગ્રામ પંચાયતમાં કોઈપણ જગ્યાએ ગેરરીતિ કે સત્તાનો દુરુપયોગ કરનારા સરપંચ હોય કે સભ્યો તેની સામે આકરા પગલાં લેવામાં આવી રહ્યા છે તેવામાં મોરબી તાલુકાની લખધીરપુર ગ્રામ પંચાયતના બે સભ્યોને તાત્કાલિક અસરથી તેમના હોદ્દા ઉપરથી દૂર કરીને આકરા પગલાં લેવામાં આવેલ છે

મોરબી જિલ્લા પંચાયતની હદમાં આવતી ગ્રામ પંચાયતોમાં સત્તાનો દુરુપયોગ કરવામાં આવ્યો હોય કે કોઈપણ જગ્યાએ પદાધિકારી કે સભ્ય દ્વારા ગેરરીતિ કરવામાં આવતી હોય તો તાત્કાલિક તેઓની સામે આકરી કાર્યવાહી કરવામાં આવે છે તેવામાં મોરબી તાલુકાની લખધીરપુર ગ્રામ પંચાયતના બે સભ્યોને તેઓના સભ્ય પદ પરથી દૂર કરવા આવ્યા છે વધુમાં જાણવા મળતી વિગત પ્રમાણે લખધીરપુર ગ્રામ પંચાયતના સભ્ય રુકમણીબેન પરમાર છેલ્લા એક વર્ષથી મિટિંગમાં આવેલા ન હતા અને કયા કારણોસર તે મીટીંગોમાં ગેરહાજર છે તેનો યોગ્ય ખુલાસો પણ ગ્રામ પંચાયતને આપેલ ન હતો.

જેથી સરપંચ ચંદ્રિકાબેન કાનજીભાઇ પરમાર દ્વારા પંચાયતની બહુમતીથી રુકમણીબેનને સભ્ય પદ ઉપરથી દૂર કર્યા છે અને વોર્ડ નંબર ૬ ખાલી જાહેર કરવામાં આવેલ છે તેવી જ રીતે રમેશભાઈ દેવરાજભાઈ ખાણધર દ્વારા તેમના હોદ્દાનો દુરુઉપયોગ કરીને ગામ લેવલની સ્થાનિક સ્વરાજની સંસ્થાઓમાં જઈને ત્યાં દૂર વ્યવહાર કરતા હોય તેમજ પંચાયતના સરપંચ અને ઉપસરપંચ સાથે સતત ખોટા ઘર્ષણ કરતા હોય અને ગામમાં દબાણને પ્રોત્સાહન આપવા બદલ ગુજરાત પંચાયત અધિનિયમ હેઠળ ૫૭ (૧) અંતર્ગત તેને તેના સભ્ય પદ ઉપરથી દૂર કરવામાં આવેલ છે આમ એક જ ગ્રામ પંચાયતના બે સભ્યોને તેના હોદ્દા ઉપરથી દૂર કરવામાં આવ્યા હોવાની માહિતી સામે આવી છે.