મોરબી-હળવદ રોડે ચરાડવા નજીક રિક્ષાનું ટાયર ફાટતા બે મહિલા સહિત ચારને ઇજા
Morbi Today
મોરબીના બિલિયા-મોડપર વચ્ચે બે બાઇક સામસામે અથડાતાં અકસ્માત: ઇજા પામેલ બે વ્યક્તિ સારવારમાં
SHARE
JOIN OUR GROUP
મોરબીના બિલિયા-મોડપર વચ્ચે બે બાઇક સામસામે અથડાતાં અકસ્માત: ઇજા પામેલ બે વ્યક્તિ સારવારમાં
મોરબીના બિલિયા અને મોડપર ગામ વચ્ચેના રસ્તા ઉપર બે બાઈક સામસામે અથડાયા હતા જેથી કરીને અકસ્માતના બનાવમાં બે વ્યક્તિને ઈજા થઇ હોવાથી ઇજાગ્રસ્ત હાલતમાં તેને મોરબીના શનાળા રોડે આવેલ ક્રિષ્ના હોસ્પિટલ ખાતે સારવારમાં લઈને આવ્યા હતા અને આ બનાવની મોરબી તાલુકા પોલીસ સ્ટેશન ખાતે જાણ કરતાં પોલીસે આગળની કાર્યવાહી કરી છે
બનાવની જાણવા મળતી માહિતી મુજબ મોરબી તાલુકાના વીરપરડા ગામે રહેતા ઈરફાન સુલેમાનભાઈ સુમરા (૩૪) અને રોશનબેન ઈરફાનભાઇ સુમરા (૩૩) નામના બંને વ્યક્તિઓ બાઈક ઉપર મોરબીના બિલિયાથી મોડપર ગામ તરફ જવાના રસ્તા ઉપરથી જઈ રહ્યા હતા ત્યારે બીલીયા ગામ પાસે સામસામે બાઈક અથડાવાનો અકસ્માતનો બનાવ બન્યો હતો અને અકસ્માતના બનાવમાં ઈરફાનભાઇ અને રોશનબેન બંનેને સારવાર માટે મોરબીના શનાળા રોડ ઉપર આવેલ ક્રિષ્ના હોસ્પિટલ ખાતે લઈને આવ્યા હતા અને ત્યાં તેઓને સારવાર આપીને આ બનાવ અંગેની હોસ્પિટલ મારફતે મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી કરેલ છે આ બનાવની વધુ તપાસ મોરબી તાલુકા પોલીસ સ્ટેશન ખાતે ફરજ બજાવતા ફિરોજભાઈ સુમરા ચલાવી રહ્યા છે
મારા મારીમાં ઇજા
મોરબીમાં ગ્રીન ચોક પાસે આવેલ કલાલ શેરીમાં રહેતા ભારતીબેન પ્રકાશભાઈ માંડલિયા (૪૧) નામની મહિલાને મારામારીના બનાવમાં ઇજા થઈ હતી જેથી કરીને ઈજા પામેલ હાલતમાં તેને સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને ત્યાં તેને સારવાર આપી મોરબી એ ડિવિઝન પોલીસને જાણ કરવામાં આવી છે આવી જ રીતે મોરબીના વાઘપરામાં રહેતા જગદીશભાઈ લક્ષ્મણભાઈ સોનાગ્રાને ઘરે થયેલ મારામારીના બનાવમાં ઈજા થતાં સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને આ બનાવની મોરબી એ ડિવિઝન પોલીસને જાણ કરતાં પોલીસ આગળની કાર્યવાહી હાથ ધરી છે અને આ બંને બનાવની આગળની વધુ તપાસ હરેશભાઈ ચાવડા દ્વારા કરવામાં આવેલ છે
