મોરબીના લખધીરપુર રોડે સીરામીક કારખાનામાંથી સવા લાખના બાઈકની ચોરી

મોરબીના લખધીરપુર રોડ ઉપર આવેલ સીરામીક કારખાનામાંથી સવા લાખ રૂપિયાની કિંમતના બાઇકની ચોરી કરવામાં આવેલ છે જેથી કરીને ભોગ બનેલા યુવાન દ્વારા મોરબી તાલુકા પોલીસ સ્ટેશન ખાતે અજાણ્યા શખ્સની સામે બાઇક ચોરીની ફરિયાદ નોંધાવવામાં આવતા પોલીસે ગુનો નોંધી આરોપીને પકડવા માટે તજવીજ શરૂ કરી છે

જાણવા મળતી માહિતી પ્રમાણે મૂળ બગથળા ગામના રહેવાસી અને હાલમાં મોરબીના રવાપર ઘુનડા રોડ ઉપર આવેલ સમર્પણ એપાર્ટમેન્ટ બ્લોક નં-૨ માં રહેતા તરુણકુમાર ધીરજલાલ કોરડીયા જાતે પટેલ (૩૫)એ અજાણ્યા શખ્સની સામે મોરબી તાલુકા પોલીસ સ્ટેશન ખાતે ચોરીની ફરિયાદ નોંધાવેલ છે જેમાં તેને જણાવ્યુ છે કે મોરબીના ઘ્ંટુ ગામની સીમમાં લખધીરપુર રોડ ઉપર આવેલ મજની ટાઇલ્સ સીરામીક કારખાનામાં ગ્લેઝ વિભાગ બહાર જાહેરમાં યામાહા કંપનીનું બાઈક નંબર જીજે ૩૬ એકે ૬૧૩૯ તેણે પાર્ક કરીને મૂક્યું હતું જે બાઈકની ચોરી કરવામાં આવેલ છે જેથી કરીને સવા લાખ રૂપિયાની કિંમત બાઈકની ચોરીની ભોગ બનેલા યુવાને ફરિયાદ નોંધાવતા પોલીસે અજાણ્યા શખ્સની સામે ગુનો નોંધી આરોપીને પકડવા માટે તજવીજ શરૂ કરી છે