મોરબીમાં પેટમાં દુખાવો ઉપડયા બાદ યુવાનનું મોત

મોરબીના હળવદ રોડ ઉપર ઉંચી માંડલ ગામ પાસે આવેલ કારખાનાના લેબર કવાર્ટરમાં રહેતો અને ત્યાં મજૂરી કામ કરતો યુવાન તેને પેટમાં દુખાવો ઉપડતા ત્યાં લીમડા નીચે સૂતો હતો ત્યારબાદ તેને સારવાર માટે મોરબીની સરકારી હોસ્પિટલ ખાતે લાવ્યા હતા અને ત્યાં ફરજ પરના ડોક્ટરે તેને જોઈ ત્પાસીને મૃત જાહેર કર્યો હતો અને આ બનાવની મોરબી તાલુકા પોલીસને જાણ કરતા પોલીસે બનાવની નોંધ કરી રાબેતા મુજબની કાર્યવાહી હાથ ધરી છે

બનાવની જાણવા મળતી માહિતી મુજબ મોરબી હળવદ હાઇવે રોડ ઉપર આવેલ ઊંચી માંડલ ગામ પાસે કેડીલા સીરામીક નામના કારખાનામાં રહેતો અને ત્યાં મજૂરી કામ કરતો હરેશભાઈ નવલભાઇ રોજ (38) નામનો યુવાન લેબર ક્વાર્ટરમાં હતો ત્યારે તેને પેટમાં દુખાવો ઉપડ્યો હતો જેથી કરીને તે ત્યાં લીમડા નીચે તેના સાળા પાસે આવીને સૂતો હતો ત્યારે બાદ તેને સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને ત્યાં ડોક્ટરે તે યુવાનને જોઈ તપાસીને મૃત જાહેર કર્યો હતો આ બનાવ અંગેની હોસ્પિટલ મારફતે મોરબી તાલુકા પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી હતી અને આ બનાવની પ્રાથમિક તપાસ મોરબી તાલુકા પોલીસ સ્ટેશનના જે.પી. પટેલ દ્વારા કરવામાં આવી હતી

છરી વડે જાતે હાથે ઇજા કરી

મોરબીના ઘુટુ ગામે રહેતા મનીષભાઈ અશોકભાઈ દંતેશ્વરીયા (20) નામના યુવાને પોતે પોતાની જાતે તેના જમણા હાથ ઉપર છરી વડે ઇજા કરી લીધી હતી જેથી કરીને ઇજા પામેલા યુવાનને સારવાર માટે લઈને આવ્યા હતા ત્યાં તેને સારવાર આપ્યા બાદ આ બનાવની હોસ્પિટલ મારફતે મોરબી તાલુકા પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે અને આ બનાવની પ્રાથમિક તપાસ જે.પી. પટેલ દ્વારા કરવામાં આવી હતી.