લો બોલો મોરબીમાં ભાજપ-તંત્રને ધંધે લગાડવા ગટરમાં મોટા પથ્થરો-રેતી ભરેલી કોથળીઓ નાખી !

મોરબીમાં ધારાસભ્ય કાંતિભાઈ અમૃતિયાની સૂચનાથી મોરબીમાં છેલ્લા ૪ દિવસથી રાત્રે ગટર સફાઈનું કામ કરવામાં આવી રહ્યું છે. જેમાં  ભાજપ આગેવાનો, પૂર્વ કાઉન્સિલરો અને પાલિકાના પૂર્વ પ્રમુખ કેતનભાઈ વિલપરા કામ કરી રહ્યા છે. જો કે, કોઈ હિતશત્રુઓ મોરબીની સુખ સુવિધાના દુશ્મન હોય તેવો ઘાટ હાલમાં સામે આવ્યો છે. કેમ કે, ગટર સફાઈ દરમિયાન મોટા પથ્થરો, રેતી ભરેલી કોથળીઓ ગટરોમાંથી કાઢવામાં આવી છે. જેથી કરીને મોરબીમાં ભાજપ અને તંત્રને ધંધે લગાડવા માટે કોઈના દ્વારા આવું કરવામાં આવ્યું હોય તેવું હાલમાં લાગી રહ્યું છે. અને મોરબીના હિતશત્રુની આ પ્રવૃતિના લીધે લોકો હેરાન થાય છે.