રાષ્ટ્રવ્યાપી હડતાલ: મોરબીના કાલે હોસ્પિટલોમાં ઈમરજન્સી સિવાયની મેડિકલ સેવાઓ બંધ
SHARE
JOIN OUR GROUP
રાષ્ટ્રવ્યાપી હડતાલ: મોરબીના કાલે હોસ્પિટલોમાં ઈમરજન્સી સિવાયની મેડિકલ સેવાઓ બંધ
મોરબી શહેરમાં આવતીકાલે શનિવારે સવારે છ વાગ્યાથી રવિવારે સવારે છ વાગ્યા સુધી ઈમરજન્સી સિવાયની તમામ મેડિકલ સેવાઓ બંધ રાખવામા આવશે. કેમ કે, કલકત્તા મેડિકલ કોલેજમાં મહિલા તબીબ સાથે દુષ્કર્મ આચારીને હત્યા કરવામાં આવેલ છે તેના વિરોધમાં રાષ્ટ્રવ્યાપી હડતાલનું એલાન કરવામાં આવેલ છે તેમાં મોરબીના ડોક્ટરો પણ જોડાવાના છે.
કલકત્તા મેડિકલ કોલેજમાં મહિલા તબીબ સાથે થયેલા દુષ્કર્મ અને હત્યાના વિરોધમાં ઇન્ડિયન મેડિકલ એસોસિયેશન દ્વારા રાષ્ટ્રવ્યાપી હડતાલનું એલાન કરવામાં આવેલ છે. ત્યારે આ હડતાલમાં મોરબી આઇએમએના પ્રમુખ સહિતના તમામ હોદેદારો પણ જોડાયેલ છે અને આ હડતાલને થેલો આપવામાં આવેલ છે. અને આવતીકાલે શનિવારે મોરબી શહેરમાં ઈમરજન્સી સિવાયની તમામ મેડિકલ સેવાઓ સવારે છ વાગ્યાથી રવિવારે સવારના છ વાગ્યા સુધી સંપૂર્ણ બંધ રહેશે. તેવું મોરબી આઇએમએના પ્રમુખ ડો. નિકુંજભાઈ વડાલીયા અને સેક્રેટરી ડો. વિરલ લહેરુની યાદીમાં જણાવ્યુ છે.
