મોરબીમાં દીકરીએ પ્રેમ લગ્ન કર્યા હોય તેના પિતાને માર મરનારા કૌટુંબિક ભાઈ સહિત બે ની ધરપકડ
SHARE
JOIN OUR GROUP
મોરબીમાં દીકરીએ પ્રેમ લગ્ન કર્યા હોય તેના પિતાને માર મરનારા કૌટુંબિક ભાઈ સહિત બે ની ધરપકડ
મોરબીના સામાકાંઠે વિસ્તારમાં આવેલ માળીયા-વનાળીયા સોસાયટીમાં રહેતા આધેડની દીકરીએ પ્રેમ લગ્ન કરેલા હોવાથી તેની પાડોશમાં રહેતા તેના કૌટુંબિક ભાઈ અને ભાભી સહિતનાએ તેની સાથે બોલાચાલી કરી હતી અને બાદમાં ધોકા વડે માથામાં અને શરીરે માર માર્યો હતો જેથી કરીને તેને મહિલા સહિત ત્રણની સામે મોરબી બી ડિવિઝન પોલીસ સ્ટેશને ફરિયાદ નોંધાવતાં પોલીસે ગુનો નોંધીને આ ગુનામાં બે આરોપીઓની ધરપકડ કરેલ છે
મોરબીના સામાકાંઠે વિસ્તારમાં આવેલ માળીયા-વનાળીયા સોસાયટીમાં નિશાળની સામે રહેતા મોહનભાઇ હીરાભાઇ ચાવડા (૫૨) એ હાલમાં ભલાભાઇ બચુભાઇ ચાવડા, રેખાબેન ભલાભાઇ ચાવડા અને હમીરભાઇ બચુભાઇ ચાવડા રહે. માળીયા વનાળીયા સોસાયટી વાળાની સામે માર માર્યો હોવાની ફરિયાદ નોંધાવી છે જેમાં તેને જણાવ્યુ છે કે, તમામ આરોપીઓએ તેઓની દિકરીએ પ્રેમલગ્ન કરેલ છે જેથી બોલાચાલી કરીને બેફામ ગાળો બોલીને માર માર્યો હતો જેમાં ભલાભાઇ બચુભાઇ ચાવડાએ લાકડી વડે તથા રેખાબેન ભલાભાઇ ચાવડા અને હમીરભાઇ બચુભાઇ ચાવડાએ ઢીકાપાટુનો મારમારતા ફરીને માથામા ટાંકો, નાકે તથા શરીરે મુંઢ ઇજાઓ થઈ હતી જેથી તેને સારવારમાં ખસેડાયા હતા અને સારવાર લીધા બાદ તેઓએ ફરિયાદ નોંધાવતાં પોલીસે આઇ.પી.સી કલમ ૩૨૩, ૩૨૪, ૫૦૪, ૧૧૪ તથા જી.પી.એકટ ૧૩૫ મુજબ ગુનો નોંધીને હાલમાં આ ગુનામાં ભલાભાઇ બચુભાઇ ચાવડા અને હમીરભાઇ બચુભાઇ ચાવડા રહે. માળીયા વનાળીયા સોસાયટી વાળાની ધરપકડ કરેલ છે અને આગળની કાર્યવાહી કરી હતી
