વાંકાનેરમાં રસ્તા ઉપર ચાલવા બાબતે મજુર સાથે માથાકુટ: વચ્ચે પડેલા યુવાન ઉપર છરી વડે હુમલો
SHARE
JOIN OUR GROUP
વાંકાનેર શહેરમાં જીનપરા વિસ્તારમાં આવેલ રામજી મંદિર પાસે રસ્તા ઉપર ચાલવા બાબતે મજૂર સાથે માથાકૂટ કરી તેને ઢીકાપાટુનો માર માર્યો હતો જેથી કરીને ફરિયાદી અને સાહેદ વચ્ચે પડતા તેઓને ગાળો આપીને જાનથી મારી નાખવાની ધમકી આપી હતી અને છરી વડે હુમલો કર્યો હતો ત્યારે યુવાનને હાથની હથેળીમાં ઇજા થઈ હતી જેથી હાલમાં ભોગ બનેલા યુવાને નોંધાવેલ ફરિયાદ આધારે પોલીસે ગુનો નોંધીને આરોપીને પકડવા માટે તજવીજ શરૂ કરી છે
બનાવની જાણવા મળતી વિગત મુજબ વાંકાનેરના જીનપરા જૂના ચંદ્રપુર રોડ ઉપર કબીર પાર્ટી પ્લોટની સામેના ભાગમાં રહેતા જીતેશભાઈ વાલજીભાઈ ધરજીયા (37)એ હાલમાં રફિકભાઈ જુમાભાઇ રહે. વાંકાનેર વાળા સામે ફરિયાદ નોંધાવેલ છે જેમાં જણાવ્યુ છે કે, જીનપરમાં આવેલ રામજી મંદિર પાસેથી તેના મજૂર જયેશભાઈ જતા હતા ત્યારે રસ્તામાં ચાલવા બાબતે આરોપીએ તેને ઢીકાપાટુનો માર માર્યો હતો ત્યારે ફરિયાદી અને સાહેદ વચ્ચે પડતા તેઓને ગાળો આપીને જાનથી મારી નાખવાની ધમકી આપી હતી અને છરી વડે હુમલો કરવા જતા ફરિયાદીએ છરી પકડતા તેને હાથની હથેળીમાં ઈજા થઈ હતી જેથી આ બનાવ સંદર્ભે સારવાર લીધા બાદ ભોગ બનેલા યુવાને નોંધાવેલ ફરિયાદ આધારે પોલીસે ગુનો નોંધીને આરોપીને પકડવા માટે તજવીજ શરૂ કરી છે.
