મોરબીના ખાનપર ગામે ઘાસમાં છાંટવાની દવા પી ગયેલ યુવાન સારવારમાં

મોરબી તાલુકાના ખાનપર ગામે રહેતો અને મજૂરી કામ કરતો યુવાન કોઈ અગમ્ય કારણોસર ઘાસમાં છાંટવાની દવા પી ગયો હતો જેથી તેને તાત્કાલિક સારવાર માટે મોરબીની સિવિલ હોસ્પિટલ ખાતે લઈને આવ્યા હતા ત્યાં તેને સારવાર આપ્યા બાદ આ બનાવની મોરબી તાલુકા પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે.

જાણવા મળતી માહિતી પ્રમાણે મોરબી તાલુકાના ખાનપર ગામે રહેતો અને મજૂરી કામ કરતો રમેશ કટેરસિંગ (45) નામનો યુવાન કોઈપણ કારણોસર ઘાસમાં છાંટવાની ઝેરી દવા પી ગયો હતો જેથી તેને તાત્કાલિક સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને ત્યાં તેને સારવાર આપ્યા બાદ આ બનાવની હોસ્પિટલ મારફતે મોરબી તાલુકા પોલીસને જાણ કરતા પોલીસે બનાવની નોંધ કરી આગળની કાર્યવાહી કરી છે અને આ બનાવની પ્રાથમિક તપાસ ફિરોજભાઈ સુમરા દ્વારા કરવામાં આવી હતી અને યુવાને ક્યા કારણોસર પગલું ભરેલ છે તે દિશામાં પોલીસ દ્વારા આગળની તપાસ કરવામાં આવી રહી છે

વૃદ્ધ સારવારમાં

મોરબીના સોખડા ગામે રહેતા લાખાભાઈ તેજાભાઈ સુરેલા (61) નામના વૃદ્ધ બાઈકમાં બેસીને વાડીએથી પોતાના ઘર તરફ જઈ રહ્યા હતા ત્યારે ગામ નજીક બાઇકમાંથી તેઓ નીચે પડી ગયા હતા જેથી તેમને ઈજા થતાં સારવાર માટે મોરબીની શિવમ હોસ્પિટલ ખાતે લઈને આવ્યા હતા અને ત્યાં તેને સારવાર આપ્યા બાદ આ બનાવની મોરબી તાલુકા પોલીસને જાણ કરતા પોલીસે બનાવની નોંધ કરીને આગળની કાર્યવાહી હાથ ધરી છે

યુવાન સારવારમાં

મોરબી તાલુકાના અદેપર ગામ પાસે આવેલ સેફોન કંપનીમાં રહેતો અને મજૂરી કામ કરતો મહાવીરકુમાર પ્રજાપતિ (27) નામનો યુવાન રાજલ પેપર મીલ પાસેથી પગપાળા ચાલીને જતો હતો ત્યારે ત્યાં કોઈ અજાણ્યા બાઈક ચાલકે તેને હડફેટે લેતા અકસ્માત થયો હતો જેમાં ઈજા પામેલ યુવાનને સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને ત્યાં તેને સારવાર આપીને આ બનાવની મોરબી તાલુકા પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે