મોરબીમાં રહેતા કારખાનેદારને પ્લાસ્ટિક દાણાનો કોન્ટ્રાક્ટ આપવાનું કહીને 1.08 કરોડની છેતરપિંડી
Morbi Today
મોરબી નજીક કારખાનામાં ટ્રક ટેલરના તોતિંગ વ્હીલ ફરી જવાના કારણે દોઢ વર્ષના માસુમ બાળકનું મોત
SHARE
JOIN OUR GROUP
મોરબીના બાયપાસ રોડ ઉપર આવેલ કારખાનામાં ટ્રક ટ્રેલરના ચાલકે બેફિકરાયથી તેનું વાહન ચલાવ્યું હતું અને ત્યારે દોઢ વર્ષના બાળકને ટ્રકની ખાલી સાઇડના પાછળના ટાયરના જોટામાં હડફેટે લીધો હતો અને તે બાળકના શરીર ઉપરથી ટ્રકના ટાયર ફરી જવાના કારણે તેનું મોત નિપજ્યુ હતું અને અકસ્માત બાદ ટ્રક ચાલક તેનું વાહન છોડીને નાસી ગયો હોય હાલમાં મૃતક બાળકના પિતાએ નોંધાવેલ ફરીયાદ આધારે પોલીસે ગુનો નોંધી આરોપીને પકડવા માટે તજવીજ શરૂ કરી છે
જાણવા મળતી વિગત પ્રમાણે મૂળ એમપીના જાંબુવા જિલ્લાના રહેવાથી અને હાલમાં મોરબી તાલુકાના અમરેલી ગામની સીમમાં આવેલ દેવદૂત કોટન નામના કારખાનાના લેબર કવાર્ટરમાં રહેતા અને મજૂરી કામ કરતા વિનોદભાઈ માનસિંગભાઈ ડાંગી (30)નામના યુવાને ટ્રક ટ્રેલર નંબર જીજે 12 બીઝેડ 4910 ના ચાલક સામે મોરબી તાલુકા પોલીસ સ્ટેશન ખાતે ફરિયાદ નોંધાવેલ છે જેમાં તેને જણાવ્યું છે કે દેવદુત કોટન નામના કારખાનામાં આરોપીએ પોતાના હવાલા વાળો ટ્રક ટેલર પાછળ જોયા વગર અચાનક ચલાવતા ફરિયાદી યુવાનના દોઢ વર્ષના દીકરા પિયુષને ટ્રકની ખાલી સાઈડમાં પાછળના જોટામાં હડફેટે લીધો હતો જેથી કરીને તે બાળક નીચે પડી જતા તેના ઉપરથી ટ્રકના તોતિંગ વ્હીલ ફરી જવાના કારણે તે બાળકનું ઘટના સ્થળે મોત નિપજ્યુ હતું અને અકસ્માત સર્જીને ટ્રક ટેલરનો ચાલક પોતાના હવાલા વાળું વાહન રેઢુ મૂકીને નાસી ગયો હતો. જેથી અકસ્માત મૃત્યુના આ બનાવ સંદર્ભે મૃતક બાળકના પિતાએ નોંધાવેલ ફરિયાદ આધારે પોલીસે ગુનો નોંધીને આરોપીને પકડવા માટે તજવીજ શરૂ કરી છે.
