મોરબીના બંધુનગર પાસે બાઈક સવારને ડમ્પર ચાલકે હડફેટે લેતા યુવાનનું મોત
Morbi Today
મોરબીની ઢુવા ચોકડી પાસે સ્પા સંચાલક ઉપર માસીયર ભાઈનો હુમલો, હાથ ભાંગી નાંખ્યો, તોડફોડ
SHARE
JOIN OUR GROUP
મોરબીની ઢુવા ચોકડી પાસે સ્પા સંચાલક ઉપર માસીયર ભાઈનો હુમલો, હાથ ભાંગી નાંખ્યો, તોડફોડ
મોરબીના મહેન્દ્રનગરમાં રહેતાં જીવણભાઈ દલવાડી હોટલમાં આવેલ પોતાના સ્પા ઉપર હતાં ત્યારે ઘસી આવેલા સ્પા સંચાલકો હથિયારોથી તૂટી પડ્યા
સ્પામાં આવેલ એસી, સીસીટીવી, ટીવીમાં તોડફોડ કરી બાઈક સળગાવી નાંખ્યું: ઇજાગ્રસ્તને સારવારમાં ખસેડાયો: પોલીસ દોડી ગઈ
મોરબી-વાંકાનેર હાઇવે ઉપર માટેલ રોડ ઢુવા ચોકડી પાસે સ્પા સંચાલક ઉપર માસીયર ભાઈઓ અને સ્પા સંચાલકોએ ધારીયાથી હુમલો કરી માથુ અને હાથ ભાંગી નાંખ્યા હતાં.તેમજ સ્પામાં આવેલ એસી, સીસીટીવી, ટીવીમાં તોડફોડ કરી બાઈક સળગાવી નાંખતા પોલીસ દોડી ગઈ હતી. બનાવમાં ઇજાગ્રસ્ત થયેલ યુવાનને સારવાર માટે રાજકોટ ખસેડાયો હતો.
પ્રાપ્ત વિગત મુજબ, મોરબીના મહેન્દ્રનગરમાં રહેતાં જીવણભાઈ બચુભાઇ ચાવડા (ઉ.વ.૩૫) ને માટેલ રોડ ઉપર આવેલ ઢુવા ચોકડી પાસેની દલવાડી હોટલમાં બબલી સ્પા આવેલ છે. ગઈકાલે તેઓ સાંજના સમયે પોતાના સ્પા ખાતે હતાં ત્યારે મોડી રાતના ઘસી આવેલા પ્રવિણ મનસુખ અને અમિત સારલા નામના શખ્સોએ ઝઘડો કરી ધારીયાથી હુમલો કરી નાસી છૂટયા હતાં.બનાવમાં ગંભીર રીતે ઘવાયેલા યુવાનને લોહીલુહાણ હાલતમાં સારવારમાં પ્રથમ વાંકાનેર અને બાદમાં રાજકટોની સિવિલ હોસ્પિટલએ ખસેડવામાં આવ્યો હતો.
વધુમાં બનાવ અંગે ઇજાગ્રસ્ત જીવણભાઈના મિત્ર ગૌતમભાઈએ જણાવ્યું હતું કે, તેઓને બનાવ અંગે જાણ થતાં ઘટનાસ્થળે દોડી ગયાં હતાં. જ્યાં પહોંચતા જાણ થયેલ કે, જીવણભાઈને તેના માસીયર પ્રવિણ અને અમિતે માર મારી સ્પામાં હથિયારથી તોડફોડ કરીને એસી, સીસીટીવી, ટીવીમાં તોડી નાંખી બહાર પડેલ બાઈક સળગાવી નાંખ્યું હતું. હુમલાખોરોને પણ મહેન્દ્રનગર ચોકડી પાસે સ્પા આવેલ છે. જેથી ધંધાકીય બાબતે હુમલો થયો હોવાનું પ્રાથમિક અનુમાન છે.
