મોરબી મહાપાલિકામાં નગરપાલિકા ઉપરાંત નવ ગ્રામ પંચાયતનો સમાવેશ કરાયો: નોટિફિકેશન પ્રસિદ્ધ કરાયું
Morbi Today
હળવદના ધણાદ ગામે ઝેરી દવા પી ગયેલા યુવાનનું મોરબી સારવારમાં મોત
SHARE
JOIN OUR GROUP
હળવદના ધણાદ ગામે ઝેરી દવા પી ગયેલા યુવાનનું મોરબી સારવારમાં મોત
હળવદ તાલુકાના ધણાદ ગામે રહેતા યુવાને કોઈ અગમ્ય કારણોસર ઝેરી દવા પી લેતા તેને બેભાન હાલતમાં સારવાર માટે મોરબીની ખાનગી હોસ્પિટલમાં લાવ્યા હતા અને ત્યાં સારવાર દરમિયાન તે યુવાનનું મોત નીપજયું હતું જેથી કરીને આ બનાવની હોસ્પિટલ મારફતે પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી છે
જાણવા મળતી માહિતી પ્રમાણે હળવદ તાલુકાના ધણાદ ગામે રહેતા મેલાભાઈ ચકુભાઈ વાજવેલીયા (47) નામના યુવાને ગત તા 29/12 ના રોજ પોતાના ગામમાં ઝેરી દવા પી લીધી હતી જેથી કરીને તે યુવાનને બેભાના સારવાર માટે મોરબીમાં આવેલ મંગલમ હોસ્પિટલ ખાતે લઈને આવ્યા હતા ત્યાં ચાલુ સારવાર દરમિયાન તે યુવાનનું મોત નિપજ્યું હતું જેથી આ બનાવ અંગેની હોસ્પિટલ મારફતે પ્રથમ મોરબી પોલીસને જાણ કરી હતી અને જેથી આ બનાવની પ્રાથમિક તપાસ વિપુલભાઈ પટેલ દ્વારા કરવામાં આવી હતી જોકે, બનાવની હળવદ તાલુકા પોલીસને જાણ કરી હતી.
મારામારીમાં ઇજા
મોરબી તાલુકાના ગુંગણ ગામે મારામારીનો બનાવ બન્યો હતો જે બનાવમાં અરવિંદ મનજીભાઈ (27)ને ઇજાઓ થઈ હતી જેથી તેને સારવાર માટે મોરબીની સિવિલ હોસ્પિટલ ખાતે લાવ્યા હતા અને ત્યાં તેને સારવાર આપીને આ બનાવની મોરબી તાલુકા પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે
બાઇક સ્લીપ
ટંકારા તાલુકાના નેસડા (ખા) ગામે રહેતા રણછોડભાઈ ભગવાનભાઈ ભાડજા નામના વ્યક્તિ બાઈક લઈને થોરાળા નજીકથી પસાર થઈ રહ્યા હતા ત્યારે બાઈક આડે ગાય ઉતરતા બાઇક સ્લીપ થયું હતું જેથી રણછોડભાઈ ભાડજાને ઇજાઓ થઈ હોવાથી તેને ખાનગી હોસ્પિટલમાં લઈને આવ્યા હતા અને ત્યાં તેને સારવાર આપીને આ બનાવની મોરબી તાલુકા પોલીસને જાણ કરવામાં આવી છે
વૃદ્ધા સારવારમાં
મોરબીના મીરા પાર્કમાં રહેતા ગુણવંતીબેન હરિલાલ ભગલાણી (72) નામના વૃદ્ધા બાઇકમાં બેસીને મોરબી તાલુકાના નાગલપર ગામના રસ્તેથી પસાર થઈ રહ્યા હતા ત્યારે કોઈ કારણસર તેઓ બાઈકમાંથી નીચે પડી ગયા હતા જેથી વૃદ્ધાને ઈજા થઇ હોવાથી ઇજાગ્રતને સારવાર માટે મોરબીની ખાનગી હોસ્પિટલમાં આવ્યા હતા અને ત્યાં તેને સારવાર આપ્યા બાદ આ બનાવની હોસ્પિટલ મારફતે મોરબી તાલુકા પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે.
