મોરબીમાં લેબર ઓફિસરના મનસ્વી વલણની મંત્રીને રજૂઆત

મોરબીમાં રહેતા પ્રદેશ કોંગ્રેસનાં આગેવાન રમેશભાઈ રબારી દ્વારા હાલમાં શ્રમ રોજગાર વિભાગના મંત્રી બ્રિજેશભાઈ મેરજાને રજૂઆત કરવામાં આવી છે જેમાં તેને મોરબીનાં સરકારી લેબર ઓફિસર હીરાણીના મનસ્વી અને તુમાખી વાણી વર્તન વિષે ફરિયાદ કરેલ છે

 મોરબીનાં સરકારી મજુર અધિકારી તરીકે ફરજ પર રહેલ હીરાણીનું વર્તન એકદમ તુમાખી અને મનસ્વી રહેલ છે તેઓને શ્રમિકો માટે કામ સબબ માર્ગદર્શન લેવા છેલ્લા ત્રણ દિવસથી વારંવાર મોબાઈલ ફોનથી સંપર્ક કરવાનો પ્રયાસ કરતા તેઓ વાત કરતા નથી અને તેમનો મોબાઈલ ડાઈવર્ટ કરી બ્લોક લીસ્ટમાં મુકી દે છે અમો શ્રમિક આગેવાનો સાથે વાત કરતા નથી હાલમાં ઈ–શ્રમિક કાર્ડ અંગે સંબંધકર્તા શ્રમિકો તેઓએ રજૂઆત કરે છે અને આ અધિકારીના કાર્યક્ષેત્રમાં આવતા ઔધોગિક એકમોમાં ભારે પ્રમાણમાં ગેરરીતીઓ છે અનેક એકમોમાં અનધિકૃત લેબર કોન્ટ્રાકટરો પ્રવૃત છે તેમની સામે પગલા લેવાતા નથી શ્રમિકોને હાજરી કાર્ડ અપાતા નથી તેમજ તેમના નામો રજિસ્ટરમાં ચડાવાતા નથી આ બાબતે રજુઆત સાંભળતા નથી અને મોબાઈલ ફોન ડાઈવર્ટ કરે છે આ અંગે યોગ્ય કરવાની માંગણી કરવામાં આવી છે