મોરબી મહાપાલિકાએ નિયમોના ભંગ બદલ ૫૪,૦૦૦ થી વધુનો દંડ વસુલ્યો

મોરબી મહાનગરપાલિકા તંત્રના માર્ગદર્શન અનુસાર સોલિડ વેસ્ટ મેનેજમેન્ટ શાખાએ મોરબી શહેરમાં ગત તા. ૧૮થી ૨૫ દરમિયાન વિવિધ નિયમોના ભંગ બદલ ૫૪,૦૦૦ થી વધુ રકમના દંડ વસુલાતની કામગીરી કરી હતી.

જેમાં પ્રતિબંધિત પ્લાસ્ટિકના વપરાશ બદલ કુલ ૫૩ આસામીઓ પાસેથી ૩૨૦૦૦ નો દંડ વસુલ કરવામાં આવેલ તથા જાહેર સ્થળો પર ગંદકી કરતા ૬૮ આસામીઓ પાસેથી ૧૮,૧૦૦ નો દંડ વસુલ કરવામાં આવ્યો હતો. આ ઉપરાંત ઓપન યુરીનેશન બદલ ૧૧ આસામીઓ પાસેથી ૧૨૫૦ તેમજ જાહેરમાં કચરો સળગાવતા ૧૦ આસામીઓ પાસેથી ૩૫૦૦ નો દંડ વસુલ કરવામાં આવ્યો હતો. તેમ સીટી મેનેજર, એસ.ડબલ્યુ.એમ., મોરબી મહાપાલિકાની યાદીમાં જણાવવામાં આવ્યું છે.