મોરબીમાં જાહેરમાં જુગાર રમતા ચાર શખ્સની 10,100 ની રોકડ સાથે ધરપકડ

મોરબીના ત્રાજપર ખારી વિસ્તારમાં બાલમંદિરની બાજુમાં જાહેરમાં જુગાર રમતા હોવાની હકીકત મળી હતી જેના આધારે પોલીસે ત્યાં જુગારની રેડ કરી હતી ત્યારે સ્થળ ઉપરથી ચાર શખ્સો જુગાર રમતા મળી આવ્યા હતા જેથી પોલીસે 10,100 ની રોકડ સાથે તેની ધરપકડ કરી હતી અને બી ડિવિઝન પોલીસ સ્ટેશન ખાતે ગુનો નોંધી આગળની કાર્યવાહી કરેલ છે.

જાણવા મળતી માહિતી પ્રમાણે મોરબી બી ડિવિઝન પોલીસની ટીમ પેટ્રોલિંગ હતી ત્યારે મોરબીના ત્રાજપર ખારી વિસ્તારમાં બાલમંદિર પાસે જાહેરમાં જુગાર રમતા હોવાની હકીકત મળી હતી તેના આધારે પોલીસે ત્યાં રેડ કરી હતી ત્યારે સ્થળ ઉપરથી રવજીભાઈ બાબુભાઈ મકવાણા (58), સંજયભાઈ ધનજીભાઈ ગણેશિયા (32), વીહર મગનભાઈ હમીરપરા (33) અને સાગર મગનભાઈ બોરસણીયા (31) રહે. બધા ત્રાજપર ખારી વાળા જુગાર રમતા મળી આવ્યા હતા જેથી પોલીસે 10,100 ની રોકડ સાથે તેની ધરપકડ કરીને બી ડિવિઝન પોલીસ સ્ટેશન ખાતે ગુનો નોંધીને આગળની કાર્યવાહી હાથ ધરી છે

બાળક સારવારમાં

મોરબીના લીલાપર ગામ નજીક આવેલ યશ પોલીપેક સામે બાઇક ચાલકે હડફેટે લેતા સુમિત શૈલેષભાઈ દેગામા (11) નામના બાળકને ઈજા થયેલ હતી જેથી તેને સારવાર માટે આયુષ હોસ્પિટલ ખાતે લાવ્યા હતા અને ત્યાં તેને સારવાર આપીને આ બનાવની પોલીસને જાણ કરતા પોલીસે આગળની કાર્યવાહી હાથ ધરી છે

અકસ્માતમાં ઇજા

મોરબીના બાયપાસ રોડ ઉપર આવેલ નેક્સસ સિનેમા પાસેથી ડબલ સવારી બાઇક પસાર થઈ રહ્યું હતું જે બનાવમાં મોરબીના વીસીપરા વિસ્તારમાં આવેલ મદીના સોસાયટીમાં રહેતા ઈરફાન હાસમભાઈ મોવર (17) નામના તરુણને ઇજા થઈ હોવાથી તેને ઇજાગ્રસ્ત હાલતમાં સારવાર માટે મોરબીની ખાનગી હોસ્પિટલમાં લઈને આવ્યા હતા અને આ બનાવની મોરબી તાલુકા પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે.