રાજ્ય સરકાર દ્વારા ટંકારાને નગરપાલિકા નો દરજ્જો આપવામાં આવ્યો છે જો કે ત્યાં ગ્રામ પંચાયત જેવી પણ સુવિધા લોકોને મળતી નથી જેથી લોકોને પારાવાર મુશ્કેલીનો સામનો કરવો પડે છે ત્યારે સ્થાનિક લોકો દ્વારા આજે રેલી યોજીને ટંકારા નગરપાલિકા રદ કરવાની માંગ કરવામાં આવેલ છે

ટંકારાની લતીપર ચોકડી થી મામલતદાર કચેરી સુધીની રેલી યોજાઇ હતી અને હબીબભાઇ અબ્રાણીની આગેવાનીમાં ટંકારાના મામલતદાર પી.એન. ગોરને આવેદનપત્ર પાઠવ્યુ હતુ જેમા જણાવ્યુ છે કે, મોરબી જિલ્લામાં આવતા ટંકારા ગામમાં વર્ષોથી ગ્રામ પંચાયત અસ્તિત્વમાં હતી અને થોડા મહિના પહેલા જ રાજ્ય સરકાર દ્વારા ટંકારાને નગરપાલિકાનો દરજ્જો આપવામાં આવેલ છે જોકે સરકાર દ્વારા ગ્રામ પંચાયતમાંથી નગરપાલિકા બનાવવામાં આવી ત્યારે પહેલા ગ્રામ પંચાયતને કે નગરજનોને વિશ્વાસમાં લેવામાં આવ્યા ન હતા. આટલું જ નહીં પરંતુ મતદારોની સંખ્યા પણ ટંકારા વિસ્તારમાં ઓછી હોવાથી નગરપાલિકાનો દરજ્જો આપી ન શકાય જેથી સરકારે ટંકારાને નગરપાલિકાનો દરજ્જો આપેલ છે તે રદ કરવામાં આવે અને ટંકારા ગ્રામ પંચાયત બનાવવામાં આવે તેવી માંગ કરવામાં આવી છે વધુમાં લોકોએ એવો પણ આક્ષેપ કર્યો હતો કે, સરકારે નગરપાલિકા બનાવી દીધી પરંતુ ગ્રામ પંચાયત જેવી પણ સુવિધા ટંકારા વિસ્તારમાં મળતી નથી ત્યારે નગરપાલિકાને રદ કરવામાં આવે અને લોકોને સારી સુવિધા આપવામાં આવે તેવી માંગ કરેલ છે.