મોરબીમાં માતૃભૂમિ વંદના ટ્રસ્ટ દ્વારા આયોજિત જાણતા રાજા નાટકના શો શરૂ
Morbi Today
આતંકીઓ ધર્મ પૂછીને મારે છે, જેથી સાબિત થાય કે આતંકવાદીઓનો કોઈ ધર્મ છે: જગતગુરુ શંકરાચાર્ય સદાનંદ સરસ્વતીજી
SHARE
JOIN OUR GROUP
આતંકીઓ ધર્મ પૂછીને મારે છે, જેથી સાબિત થાય કે આતંકવાદીઓનો કોઈ ધર્મ છે: જગતગુરુ શંકરાચાર્ય સદાનંદ સરસ્વતીજી
મોરબીના અમરાપર ગામે મોમાઈ માતાજીના મંદિરે વરજાંગભાઈ જીલરીયા તથા સમસ્ત જીલરીયા પરિવાર દ્વારા પાટોત્સવ યોજાયો: મોરબીમાં જગતગુરુ શંકરાચાર્યએ આપ્યું નિવેદન: રાષ્ટ્રની એકતા અને અખંડતા ઉપર ધ્યાન કેન્દ્રિત કરવા લોકોને કર્યું આહ્વાન: વડાપ્રધાન નરેન્દ્ર મોદી તથા ગૃહ મંત્રી અમિતભાઈ શાહ આતંકીનોને શોધી શોધીને જવાબ આપશે-પૂર્વ મુખ્યમંત્રી વિજયભાઈ રૂપાણી
મોરબીના અમરાપર ગામે મોમાઈ માતાજીના મંદિરના પાટોત્સવનું આયોજન કરવામાં આવ્યું હતું અને તેમાં સારદા પીઠાધિશ્વર જગતગુરુ શંકરાચાર્ય સદાનંદ સરસ્વતીજી આવ્યા હતા અને તેઓએ તાજેતરમાં પહેલગામ ખાતે જે આતંકી હુમલો કરવામાં આવ્યો છે તેને લઈને રાષ્ટ્રની એકતા અને અખંડતા ઉપર ધ્યાન કેન્દ્રિત કરવા લોકોને આહ્વાન કર્યું હતું અને આતંકીઓ ધર્મ પૂછીને મારે છે જેથી સાબિત થાય છે કે “આતંકવાદીઓનો કોઈ ધર્મ છે” એટલે તેઓને તથા તેઓને શક્તિ પૂરી પાડનારા જે કોઈ હોય તેમને આકરી સજા કરવી જોઈએ
મોરબી તાલુકાના અમરાપર ગામે આજે વરજાંગભાઈ જીલરીયા તથા સમસ્ત જીલરીયા પરિવાર દ્વારા મોમઇ માતાજીના મંદિરેનો 15 મો પાટોત્સવ યોજાયો હતો જેમાં શારદા પીઠાધશ્વર જગતગુરુ શંકરાચાર્ય સ્વામી સદાનંદ સરસ્વતીજી ખાસ હાજર રહ્યા હતા તે ઉપરાંત રાજ્યના પૂર્વ મુખ્યમંત્રી વિજયભાઈ રૂપાણી, મંત્રી રાઘવજીભાઈ પટેલ, ધારાસભ્ય કાંતિભાઈ અમૃતિયા, દુર્લભજીભાઇ દેથરીયા, પૂર્વ સાંસદ મોહનભાઈ કુડારીયા, જિલ્લા ભાજપના પ્રમુખ જયંતીભાઈ રાજકોટ, જિલ્લા પંચાયતના પ્રમુખ હંસાબેન પારેઘી સહિતના અગ્રણીઓ હાજર રહ્યા હતા અને આ તકે સ્વામી સદાનંદ સરસ્વતીજીએ ખાસ કરીને પહેલગામમાં જે રીતે આતંકી હુમલો કરવામાં આવ્યો અને લોકોને તેનો ધર્મ પૂછીને હત્યા કરવામાં આવી છે તે જોતા ભારતમાં રાષ્ટ્રીયતા, ધર્મ અને સનાતનને ખતમ કરવા માટેનું ષડયંત્ર ચાલી રહ્યુ છે તેની સામે એક થઈને દેશવાસીઓએ લડવાની જરૂર છે તો જ ભવિષ્યમાં ભારત દેશની સામે આંખ ઊંચી કરવાની કોઈ હિંમત કરશે નહીં
તેઓએ વધુમાં કહ્યું હતું કે જે રીતે પહેલગામમાં લોકોને તેનો ધર્મ પૂછીને હત્યાઓ કરવામાં આવી છે અને બીજી બાજુ આતંકવાદનો કોઈ ધર્મ નથી હોતો તેવી વાતો કરવામાં આવે છે પરંતુ જે રીતે આતંકી હુમલો થયો તે સાબિત કરે છે કે આતંકવાદનો પણ ધર્મ છે જેથી કરીને આતંકવાદી હુમલો કરનાર તથા તેને બળ પૂરું પાડનારની સામે એક થઇને દેશવાસીઓએ લડવાની જરૂર છે તો રાજ્યના પૂર્વ મુખ્યમંત્રી વિજયભાઈ રૂપાણીએ પણ પહેલગામના આતંકી હુમલાનો દેશના વડાપ્રધાન નરેન્દ્ર મોદી તથા ગૃહ મંત્રી અમિતભાઈ શાહ દ્વારા જવાબ આપવામાં આવશે અને અતંકીઓને શોધી શોધીને તેઓની સામે કાર્યવાહીમાં આવશે તેવો વિશ્વાસ વ્યક્ત કર્યો હતો.
