વાંકાનેરના પંચાસીયા ગામે અગાઉ એસિડ પી ગયેલ પરિણીતાનું સારવારમાં મોત
Morbi Today
મોરબીના આમરણ ગામે ક્રુજર ગાડીમાં પેસેન્જર ભરવાની બાબતે થયેલ બોલાચાલીનો ખાર રાખીને મારામારી: સામસામી ફરિયાદ
SHARE
JOIN OUR GROUP
મોરબીના આમરણ ગામે ક્રુજર ગાડીમાં પેસેન્જર ભરવાની બાબતે થયેલ બોલાચાલીનો ખાર રાખીને મારામારી: સામસામી ફરિયાદ
મોરબી તાલુકાનાં આમરણ ગામે અગાઉ ક્રુજર ગાડીમાં પેસેન્જર ભરવા બાબતે થયેલ બોલાચાલીનો ખાર રાખીને મારા મરીનો બનાવ બન્યો હતો જેમાં બંને પક્ષેથી સાત વ્યક્તિઓને નાના મોટી ઇજાઓ થઈ હતી જેથી કરીને તેઓને સારવારમાં ખસેડાયા હતા અને હાલમાં બંને પક્ષેથી ફરિયાદ નોંધાવવામાં આવતા મોરબી તાલુકા પોલીસે ગુનો નોંધીને આરોપીઓને પકડવા માટે તજવીજ શરૂ કરેલ છે
બનાવની જાણવા મળતી માહિતી મુજબ આમરણમાં સામસામી મારા મારિનો બનાવ બન્યો હતો જેમાં કાદરમિયા અસરફમિયા બુખારી (૩૫), સલીમ સમસુદીન બુખારી (૨૨), આસિફ અબ્બાસમિયા બુખારી (૨૨), તૌફિક અબ્બાસમિયા બુખારી (૨૩), સબાનાબેન નજીરમિયા બુખારી (૨૧), તેમજ સામેના પક્ષના યાસીનમિયા બાવામિયા બુખારી (૪૨) અને જાવિદમિયા રસિદમિયા બુખારી (૩૫) રહે.બધા આમરણ ગામ તા.જી.મોરબીને સિવિલે સારવારમાં ખસેડાયા હતા. ત્યાર બાદ હાલમાં મોરબી તાલુકા પોલીસ સ્ટેશને ફરિયાદ નોંધાયેલ છે જેમાં આમરણ ગામના દાવલશા વાસમાં રહેતા જાવીદમીયા બસીરમીયા બુખારી જાતે સૈયદ (ઉ.૩૫) વાળાએ ઇદ્રીશમીયા અબ્બાસમીયા બુખારી, અસરફમીયા અબ્બાસમીયા બુખારી, ગુલામ હુસૈન અસરફમીયા બુખારી, સલીમમીયા સમસુદીન બુખારી અને સબ્બીરમીયા ઉર્ફે જમાદાર અકબરમીયા બુખારી રહે. બધા આમરણ દાવલશા વાસ વાળાની સામે ફરિયાદ નોંધાવી છે જેમાં તેને જણાવ્યુ છે કે, અગાઉ ક્રુજર ગાડીમાં પેસેન્જર ભરવા બાબતે થયેલ બોલાચાલીનો ખાર રાખી આરોપીઓએ એક સંપ કરીને જીવલેણ હથિયારો ધારણ કરીને હુમલો કર્યો હતો અને ઇદ્રીશમીયા અબ્બાસમીયા બુખારીએ લોખંડના પાઇપ વડે તેમજ બાકીના શ્ખ્સોએ લાકડાના ધોકા સાથે આવી ક્રૂઝર ગાડી નં. જીજે ૩૭ ટી ૫૪૫૬ વાડીનો કાચ તોડી નાખ્યો હતો અને મુંઢ માર મારીને ઇજા કરી હતી તેમજ સાહેદ યાસીનમીયા બુખારી છોડાવવા આવતા તેને આરોપીઓએ લોખંડના પાઇપ વડે માર માર્યો હતો તેમજ ફરીયાદીના મામાના દિકરા વસીમમીયા બુખારીના ઘર પાસે પડેલ રીક્ષાનો કાચ તથા હુડ તોડી નાખ્યું હતું અને વસીમમીયા બુખારીને પાઇપ વડે મારી જમણા હાથની વચલી આંગળીમાં ઇજા કરી હતી અને સબાનાબેન બુખારીને પણ માર માર્યો હતો જેથી પોલીસે ફરિયાદ લઈને ગુનો નોંધીને આગળની કાર્યવાહી કરેલ છે
જયારે સામાપક્ષેથી આશીફમીયા અબ્બાસમીયા બુખારી જાતે સૈયદ (ઉ.૨૨) એ જાવીદમીયા બસીરમીયા બુખારી, યાસીનમીયા બળુમીયા બુખારી, વશીમમીયા કાદરમીયા બુખારી, આરીફમીયા ઉર્ફે જીન્ગો અલ્લારખા બુખારી અને નજીરમીયા બશીરમીયા બુખારી રહે. બધા દાવલશા વાસ આમરણ વાળાની સામે ફરિયાદ નોંધાવી છે જેમાં તેને જણાવ્યુ છે કે, આ કામના આરોપીઓએ જીવલેણ હથિયારો ધારણ કરી ફરીયાદીના ભાઇ ઇદ્રીશમીયાસાથે અગાઉ ગાડીમાં પેસેન્જર ભરવા બાબતે થયેલ બોલાચાલીનો ખાર રાખીને હુમલો કર્યો હતો અને જાવીદમીયા બસીરમીયા બુખારીએ લોખંડના સળીયા વડે તેને જમણા હાથમાં કાંડાથી ઉપરના ભાગે ઇજા કરી હતી અને યાસીનમીયા બળુમીયા બુખારીએ લાકડાના ધોકાથી સલીમમીયા, કાદરમીયા અને તોફીકમીયાને બીભત્સ ગાળો આપીને માર માર્યો હતો જેથી કરીને યુવાનની ફરિયાદ લેવામાં આવી છે આમ પોલીસે સામસામી ફરિયાદ લઈને આરોપીઓને પકડવા માટે ચક્રોગતિમાન કરેલ છે
