મોરબી નજીક કારખાનાના કવાર્ટરમાં નિદ્રાધીન અવસ્થામાં જ યુવાનનું મોત

મોરબી નજીક આવેલ મિનરલના કારખાનામાં લેબર કવાર્ટરમાં રહેતો યુવાન પથારીમાં સૂતો હતો અને નિદ્રાધીન અવસ્થામાં જ બીમારી સબબ તેનું મોત નિપજ્યું હતું જેથી તેના મૃતદેહને સરકારી હોસ્પિટલ ખાતે લઈને આવ્યા હતા અને આ બનાવની હોસ્પિટલ મારફતે મોરબી તાલુકા પોલીસને જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે

જાણવા મળતી માહિતી મુજબ મોરબીના જેતપર રોડ ઉપર આવેલ પાવળીયાની નજીક અમૂલ મિનરલ નામના કારખાનાના લેબર કવાર્ટરમાં રહેતો કાલુરામ રમેશચંદ સરસીયા (39) નામનો યુવાન લેબર કવાર્ટરમાં પથારીમાં સૂતો હતો અને કોઈ કારણોસર બીમારી સંબંધ તેનું નિદ્રાધીન અવસ્થામાં જ મોત નીપજયું હતું ત્યારબાદ તેના મૃતદેહને પીએમ માટે મોરબીની સરકારી હોસ્પિટલે લઈને આવ્યા હતા અને આ બનાવની હોસ્પિટલ મારફતે મોરબી તાલુકા પોલીસ સ્ટેશન ખાતે જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે

અકસ્માતમાં ઇજા

મોરબીમાં સિટી પોલીસ લાઈનની પાછળના ભાગમાં રહેતા કમલેશભાઈ પ્રેમચંદ વોરા (48) નામનો યુવાન બાઇક લઈને મોરબી રાજકોટ હાઇવે રોડ ઉપર ગૌરીદડ પાસેથી પસાર થઈ રહ્યો હતો ત્યારે અન્ય બાઇક સાથે બાઈક અથડાતા અકસ્માત થયો હતો જે બનાવમાં યુવાનને ઇજા થઇ હોવાથી અને સારવાર માટે મોરબીની હોસ્પિટલમાં લાવ્યા હતા અને આ બનાવની પોલીસને જાણ કરવામાં આવી છે

મહિલા સારવારમાં

વાંકાનેર તાલુકાના વરડુસર ગામે રહેતા મનિષાબેન રવિભાઈ શેટાણીયા (30) નામની મહિલા કોઈ કારણોસર ફિનાઇલ પી ગઈ હતી જેથી તેને તાત્કાલિક સારવાર માટે મોરબીની મંગલમ હોસ્પિટલે લઈને આવ્યા હતા અને ત્યાં તેને સારવાર આપ્યા બાદ આ બનાવની પોલીસને જાણ કરતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે.