માળીયા (મી)ના રાયસંગપર ગામે પરણીતા ઉપર તેના જ પતિએ કર્યો છરી વડે હુમલો

માળીયા મીયાણાના રાયસંગપર ગામે પરણીતા સાથે તેના પતિએ બોલાચાલીને ઝઘડો કર્યો હતો અને ત્યાર બાદ છરી વડે મહિલાને બંને હાથના કાંડાના ભાગે તથા ગળાના ભાગે ઇજા કરી હતી જેથી મહિલાને સારવાર માટે હોસ્પિટલે લઈને આવ્યા હતા અને ત્યારબાદ મહિલાએ નોંધાવેલ ફરિયાદ આધારે તેના પતિ સામે ગુનો નોંધીને આગળની કાર્યવાહી હાથ ધરી છે.

જાણવા મળતી માહિતી મુજબ માળિયા (મી)ના રાયસંગપર ગામની ગોળાઈની બાજુમાં સંઘવાણીની વાડી પાસે રહેતા આઈશાબાઇ યાસીનભાઈ જામ (28)એ હાલમાં તેના પતિ યાસીનભાઈ જુસબભાઈ જામ (35) વાળાની સામે માળિયા તાલુકા પોલીસ સ્ટેશન ખાતે ફરિયાદ નોંધાવેલ છે જેમાં જણાવ્યું છે કે ફરિયાદીના પતિએ તેની સાથે બોલાચાલી ઝઘડો કર્યો હતો અને ત્યાર બાદ તેને ગાળો આપીને છરી વડે હુમલો કર્યો હતો અને ફરિયાદી મહિલાને બંને હાથના કાંડાના ભાગે તથા ગળા ઉપર છરકો કરીને ઇજા કરી હતી જેથી ઇજા પામેલ મહિલાને સારવાર માટે હોસ્પિટલે લઈને આવ્યા હતા અને ત્યારબાદ મહિલાએ નોંધાવેલ ફરિયાદ આધારે પોલીસે ગુનો નોંધીને આરોપીને પકડવા માટે તજવીજ શરૂ કરેલ છે.