મોરબીના ખેવારીયા ગામના પાસેથી દારૂનો જથ્થો ભરેલ ક્રેટા ગાડી સાથે બે શખ્સ પકડાયા, 5.28 લાખનો મુદામાલ કબ્જે

મોરબીના ખેવારીયા ગામના ઝાપા પાસેથી ક્રેટા ગાડી પસાર થઈ હતી જે ગાડીને રોકીને પોલીસે ચેક કરતા ગાડીમાંથી 140 લિટર દેશી દારૂનો જથ્થો મળી આવ્યો હતો જેથી દારૂ અને વાહન મળીને 5.28 લાખનો મુદામાલ કબજે કર્યો હતો અને ગાડીમાં બેઠેલા બે શખ્સોને ઝડપી લીધા હતા તેની પ્રાથમિક પૂછપરછ દરમિયાન માલ મોકલાવનાર અને મંગાવનારનું નામ સામે આવ્યું હોય હાલમાં એક મહિલા સહિત કુલ ચાર વ્યક્તિઓ સામે ગુનો નોંધી બાકીના બે આરોપીને પકડવા માટે તજવીજ શરૂ કરેલ છે

મોરબી જિલ્લા એલસીબીની ટીમ પેટ્રોલિંગમાં હતી ત્યારે મોરબીના નવલખી રોડ ઉપર આવેલ ખેવારીયા ગામના ઝાપા પાસેથી ક્રેટા ગાડી નંબર જીજે 10 સીજી 7441 પસાર થઈ રહી હતી જે ગાડીને રોકીને પોલીસે ચેક કરતા તેમાંથી 140 લિટર દેશી દારૂનો જથ્થો મળી આવ્યો હતો જેથી પોલીસે 28 હજાર રૂપિયાની કિંમતનો દારૂ તથા 5 લાખ રૂપિયાની કિંમતની ગાડી આમ કુલ મળીને 5.28 લાખના મુદ્દામાલને કબજે કર્યો છે અને આરોપી રમજાન કરીમભાઈ નોતીયાર (35) રહે. વીસીપરા પવિત્ર કુવા પાસે મોરબી અને ઉસ્માનભાઈ ઉંમરભાઈ મુલ્લા (52) રહે. કુલીનગર-1  મોરબી વાળાની ધરપકડ કરી હતી અને તેની પ્રાથમિક પૂછપરછ દરમિયાન દારૂનો આ જથ્થો ઇમરાન બાબાભાઈ જેડા રહે. નવાગામ તાલુકો માળીયા મીયાણા વાળા પાસેથી લઈને મોરબીના વીસીપરા વિસ્તારમાં ખાદી ગ્રામ ઉદ્યોગની બાજુમાં રહેતા નિમુબેન રમેશભાઈ કોળીને આપવા જતા હોવાનું સામે આવ્યું હતું જેથી કરીને મહિલા સહિત કુલ ચાર વ્યક્તિઓ સામે તાલુકા પોલીસ સ્ટેશન ખાતે ગુનો નોંધાયો છે અને બાકીના આરોપીઓને પકડવા માટેની તજવીજ ચાલી રહી છે.