મોરબી નજીક કારખાનામાં લેબર કવાર્ટરની છત ઉપર સૂતેલા શ્રમિકોના ચાર મોબાઇલની ચોરી કરનાર બે શખ્સ પકડાયા

મોરબીના હરીપર કેરાળા રોડ ઉપર આવેલ લેમીનેટના કારખાનાના લેબર કવાર્ટરની છત ઉપર શ્રમિકો સુતા હતા ત્યારે તેઓના જુદી જુદી કંપનીના ચાર મોબાઇલ ફોનની ચોરી કરવામાં આવી હતી અને કુલ મળીને 48,000 ની કિંમતના મોબાઈલ ફોનની ચોરી થઈ હતી જેથી ભોગ બનેલ શ્રમિકની ફરિયાદ લઈને પોલીસે આરોપીને પકડવા માટે તજવીજ શરૂ કરી હતી અને આ ગુનામાં ચોરીમાં ગયેલા ચારેય મોબાઈલ સાથે પોલીસે હાલમાં બે શખ્સની ધરપકડ કરી તેની સામે કાયદેસરની કાર્યવાહી હાથ ધરી છે

જાણવા મળતી માહિતી મુજબ મૂળ થરાદ જિલ્લાના રહેવાસી અને હાલમાં હરિપર કેરાળા રોડ ઉપર આવેલ નેલ્સન લેમીનેટ કારખાનાના લેબર ક્વાર્ટરમાં રહેતા અને મજૂરી કામ કરતા ઉત્તમભાઈ ગણાજીભાઈ પરમાર (28)એ મોરબી તાલુકા પોલીસ સ્ટેશન ખાતે મોબાઇલ ફોન ચોરીની ફરિયાદ નોંધાવેલ છે જેમાં જણાવ્યું છે કે કારખાનાના લેબર ક્વાર્ટરની છત ઉપર તેઓ સુતા હતા ત્યારે તેમના વીવો અને મોટોરોલા કંપનીના બે મોબાઈલ ફોન જેની કુલ કિંમત 26,000 તથા હાજાભાઇ ચૌધરીનો ઓપો કંપનીનો 12,000 રૂપિયાની કિંમતનો મોબાઇલ અને ભરતભાઈ ચૌધરીનો 10,000 રૂપિયાની કિંમતનો મોબાઇલ આમ કુલ મળીને 48,000 ની કિંમતના મોબાઈલ ફોનની ચોરી થઈ હતી જેથી ભોગ બનેલ યુવાને નોંધાવેલ ફરિયાદ આધારે મોરબી તાલુકા પોલીસની ટીમ દ્વારા આરોપીને પકડવા માટે તજવીજ શરૂ કરવામાં આવી હતી અને આ ગુનામાં ભુપતભાઈ મોહનભાઈ ચૌહાણ (32) રહે. જેતપર મોરબી રોડ ભાગ્યલક્ષ્મી હોટલની પાછળના ભાગમાં મોરબી તથા વિકાસભાઈ અનિલભાઈ લોરીયા (21) રહે. વીસીપરા મોરબી વાળાને ચોરીમાં ગયેલ ચારેય મોબાઈલ ફોન સાથે ઝડપી લેવામાં આવ્યા છે અને તેઓની સામે કાયદેસરની કાર્યવાહી હાથ ધરવામાં આવી છે આ કામગીરી મોરબી તાલુકા પોલીસ સ્ટેશનના પીઆઇ એસ.કે. ચારેલની સૂચના મુજબ સ્ટાફ દ્વારા કરવામાં આવી હતી