મોરબી નજીક જેટકોના સબ સ્ટેશનમાં બ્લાસ્ટ થયા બાદ વિકરાળ આગ: વીજ પુરવઠો ખોરવાઈ ગયો

મોરબીના જેતપર રોડ ઉપર આવેલ પીપળી ગામ નજીક જેટકોના સબ સ્ટેશનની અંદર કોઈ કારણોસર બ્લાસ્ટ થયો હતો અને ત્યારબાદ આગ લાગવાની ઘટના બની હતી જે બનાવની મોરબી મહાપાલિકાના ફાયર વિભાગને જાણ કરતા ફાયરની ટીમ તાત્કાલિક પહોંચી હતી અને આગને કાબુમાં લેવા માટેના પ્રયત્નો શરૂ કર્યા હતા  

મોરબીના જેતપર રોડ ઉપર પીપળી ગામ નજીક આવેલ જેટકોના 220 કેવીના સબ સ્ટેશનની અંદર કોઈ કારણોસર શુક્રવારે મોડી સાંજના સમયે પ્રથમ બ્લાસ્ટ થયો હતો અને ત્યારબાદ ત્યાં આગ લાગવાની ઘટના બની હતી અને આગ જોત જોતામાં વિકરાળ રૂપ ધારણ કરી લેતા આ બનાવની તાત્કાલિક મહાપાલિકાના ફાયર વિભાગને જાણ કરવામાં આવી હતી જેથી કરીને ફાયરની ટીમ ત્યાં ઘટના સ્થળે દોડી આવી હતી અને જેટકોના સબ સ્ટેશનની અંદર લાગેલ આગને કાબુમાં લેવા માટેના પ્રયત્નો હાથ ધરવામાં આવ્યા હતા. અત્રે ઉલ્લેખનીય છે કે, જેટકોના સબ સ્ટેશનની અંદર બ્લાસ્ટ થયા બાદ આગ લાગવાના કારણે વીજ પુરવઠો ખોરવાઈ ગયો હતો અને ધુમાડાના ગોટે ગોટા નીકળવા લાગ્યા હતા જેથી લોકોમાં ભયનો માહોલ આવ્યો હતો અને હાલમાં પણ ફાયર વિભાગની ટીમ ઘટના સ્થળે છે અને આગને કાબૂમાં લેવા માટેના પ્રયત્નો ચાલી રહ્યા છે