ટંકારાના મિતાણા પાસે કારખાનામાં ચક્કર આવતા પડી ગયેલા આધેડને માથામાં ઇજા થતાં મોત
Morbi Today
મોરબીના બેલા નજીક પાંચ વર્ષની બાળકીને શરદી, ઉધરસ, તાવની દવા આપ્યા બાદ મોત નીપજયું
SHARE
JOIN OUR GROUP
મોરબીના બેલા નજીક પાંચ વર્ષની બાળકીને શરદી, ઉધરસ, તાવની દવા આપ્યા બાદ મોત નીપજયું
મોરબીના જેતપર રોડ ઉપર આવેલા બેલા ગામ પાસે સિરામિક કારખાનામાં રહેતા અને ત્યાં મજૂરીકામ કરતા પરિવારની પાંચ વર્ષની દીકરીને શરદી, ઉધરસ અને તાવ હોય તેને દવા પીવડાવી બાદ બાળકીનું મૃત્યુ નિપજતા આ બનાવની મોરબી તાલુકા પોલીસને જાણ કરવામાં આવી હતી અને હાલમાં મોરબી તાલુકા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરેલ છે
બનાવની જાણવા મળતી વિગત પ્રમાણે મોરબીના જેતપર રોડ ઉપર બેલા ગામ પાસે આવેલ ગોડવીન સિરામિક નામના કારખાનાની અંદર રહેતા અને ત્યાં મજૂરી કામ કરતાં બદ્રિલાલ વર્માની પાંચ વરસની દીકરી અન્નીયાને શરદી, ઉધરસ અને તાવ હતો માટે તેને દવા પીવડાવ્યા બાદ તેનું મૃત્યુ નીપજયું હતું જેથી કરીને તેના મૃતદેહને સિવિલ હોસ્પિટલ ખાતે ખસેડવામાં આવ્યો હતો અને ત્યારબાદ આ બનાવની મોરબી તાલુકા પોલીસને જાણ કરવામાં આવતા પોલીસે બનાવની નોંધ કરીને આગળની રાબેતા મુજબની કાર્યવાહી હાથ ધરી હતી
અકસ્માતમાં ઇજા
વાંકાનેરની ભાટીયા સોસાયટીમાં શારદા સ્કુલ વાળી શેરીમાં રહેતા પ્રિયાંકભાઈ પંકજભાઈ રાવલ (ઉંમર ૩૧) પોતાનું બાઇક લઇને ચંદ્રપુર મિસ્ત્રી હોટલ પાસે સર્વિસ રોડ પરથી પસાર થતા હતા ત્યારે બોલેરો નંબર જીજે ૩ એફડી ૮૦૩૭ ના ચાલક બહાદુરનાથ સુમરનાથ પરમાર રહે. ભોજપરા વાદી વસાહત વાંકાનેર વાળાએ તેઓને હડફેટે લીધા હતા જેથી કરીને તેઓને પગમાં ઈજા થઈ હતી માટે પ્રિયાંકભાઈને સારવાર માટે હોસ્પિટલે ખસેડવામાં આવ્યા હતા અને હાલમાં પ્રિયાંકભાઈ રાવલએ ફરિયાદ નોંધાવતા પોલીસે બોલેરો કારના ચાલક સામે ગુનો નોંધી આરોપીને પકડવા માટે તજવીજ શરૂ કરી છે
