મોરબીમાંથી સાયબર ફ્રોડની આંગડિયા મારફતે મોકલવેલ રકમ રિસીવ કરનારા અમદાવાદના શખ્સની ધરપકડ

મોરબીમાં રહેતા અલગ અલગ વ્યક્તિઓના બેન્ક એકાઉન્ટમાં સાયબર ફ્રોડ કે પછી છેતરપિંડીથી 38.42 લાખથી વધુની રકમ મેળવવામાં આવી હતી અને ત્યારબાદ તેને ચેક અથવા એટીએમથી વિડ્રો કરી આંગડિયા મારફતે મોકલી આપીને સગેવગે કરી હતી જેથી મોરબી જિલ્લા સાયબર ક્રાઇમ પોલીસ સ્ટેશન ખાતે ચાર શખ્સો સામે ગુનો નોંધીને પોલીસે આરોપીઓને પકડવા માટે તજવીજ શરૂ કરેલ હતી જે ગુનામાં આંગડિયા મારફતે આવેલ રકમ રિસીવ કરનારા શખ્સની ધરપકડ કરેલ છે.

સમગ્ર ભારતદેશની અંદર મ્યુલ એકાઉન્ટની અંદર સાયબર ફ્રોડ અને છેતરપિંડીના નાણા મંગાવીને તેને સગેવગે કરવામાં આવતા હોય છે તેવું ધ્યાન પર આવ્યા બાદ ધડાધડ સાયબર ક્રાઇમની ફરિયાદો નોંધવામાં આવી રહી છે અને આરોપીઓને પકડવામાં આવી રહ્યા છે તેવામાં મોરબી જિલ્લા સાયબર ક્રાઇમ પોલીસ સ્ટેશન ખાતે ગત તા 15/12 ના રોજ જયદીપપુરી કિશોરપૂરી ગોસ્વામી, આર્યમન ઉર્ફે ઉદય રાજેશભાઈ રુઝા, ભરતભાઈ પરમાર, તથા અભિષેકસિંહ ઉર્ફે અભિરાજસિંહ દશરથસિંહ જાડેજા અને તપાસમાં જેના નામ સામે આવે તેની સામે ગુનો નોંધવામાં આવ્યો હતી અને તેમાં જણાવ્યું હતું કે અભિષેકસિંહ જાડેજા દ્વારા લાગતા વળગતાઓ સાથે મીલાપીપણું કરીને પૂર્વ આયોજિત ગુનાહિત કાવતરું રચી અલગ અલગ વ્યક્તિઓ પાસેથી સાયબર ફ્રોડ કે પછી છેતરપિંડી કરીને નાણાં મેળવવામાં આવ્યા હતા અને તે નાણા જયદીપપુરી, આર્યમન અને ભરતભાઈના બેન્ક એકાઉન્ટમાં આવ્યા હતા અને તેઓને આર્થિક લાભ આપવાની લાલચ આપીને તેના બેન્ક એકાઉન્ટનો ઉપયોગ કરવામાં આવ્યો હતો અને કુલ મળીને 38,42,650 મેળવી લીધા બાદ તેને ચેક કે એટીએમથી વિડ્રો કરીને આંગડિયા મારફતે મોકલાવીને સગેવગે કરવામાં આવી હતી જે ગુનામાં પોલીસે પહેલા જયદીપપુરી કિશોરપૂરી ગોસ્વામી અને આર્યમન ઉર્ફે ઉદય રાજેશભાઈ રુઝાની ધરપકડ કરી હતી અને હાલમાં આ ગુનામાં જિલ્લા સાયબર ક્રાઇમ પોલીસ સ્ટેશનના પીઆઇ એન.એ. વસાવા તેમજ તેની ટીમે આરોપી ભાર્ગવ  દિનેશભાઇ પૂજારા (38) રહે. અર્જુન સ્કાઈ લાઇન સાયન્સ સિટી અમદાવાદ વાળાની ધરપકડ કરેલ છે અને આરોપીના રિમાન્ડ લેવા માટે તજવીજ શરૂ કરેલ છે વધુમાં મળતી માહિતી મુજબ મોરબીથી ફ્રોડ કરીને મેળવેલ રકમ આંગડિયા મારફતે મોકલાવવામા આવે તે રકમ હલમ પકડાયેલ આરોપી રિસીવ કરનારા છે. અને તે કોને આ રકમ આપતો હતો તે દિશામાં તપાસ ચાલી રહી છે.