હળવદના અજીતગઢ ગામે ઘરે સીડી ઉપરથી નીચે પડતાં માથામાં ઇજા પામેલા યુવાનનું સારવારમાં મોત

હળવદના અજીતગઢ ગામે રહેતો યુવાન પોતાના ઘરે ધાબાની સીડી ઉપરથી નીચે પટકાયો હતો ત્યારે તેને માથાના પાછળના ભાગે ગંભીર ઇજા થઈ હતી જેથી તે યુવાનને સારવાર માટે હોસ્પિટલે લઇ ગયા હતા અને ત્યાં સારવાર દરમિયાન તે યુવાનનું મોત નીપજ્યું હતું જેથી આ બનાવની મૃતક યુવાનના મોટાભાઈએ હળવદ તાલુકા પોલીસ સ્ટેશન ખાતે જાણ કરતા પોલીસે અકસ્માત મૃત્યુના બનાવની નોંધ કરી આગળની કાર્યવાહી હાથ ધરી છે

હળવદ તાલુકાના અજીતગઢ ગામે રહેતા વાસુદેવભાઈ ગગજીભાઈ ઈટોદરા (35) નામનો યુવાન પોતે પોતાના ઘરે હતો ત્યારે ગત તા. 15/2 ના રોજ સાંજના ચારેક વાગ્યાના અરસામાં પોતાના ઘરના ધાબાની સીડી ઉપરથી અકસ્માતે પગ લપસતા તે નીચે પટકાયો હતો અને અકસ્માતના આ બનાવમાં વાસુદેવભાઈને માથાના પાછળના ભાગે ગંભીર ઈચ્છા થઈ હોવાથી તેને ઈજા પામેલ હાલતમાં સારવાર માટે હોસ્પિટલે લઈ જવામાં આવ્યો હતો અને ત્યાં સારવાર દરમિયાન ગઈકાલે સાંજના 06:45 વાગ્યાના અરસામાં તેનું મોત નીપજ્યું હતું જેથી અકસ્માત મૃત્યુના બનાવની મૃતક યુવાનના ભાઈ નિલેશભાઈ ગગજીભાઈ ઈટોદરા (40) રહે. અજીતગઢ તાલુકો હળવદ વાળાએ હળવદ તાલુકા પોલીસ સ્ટેશન ખાતે જાણ કરતા પોલીસે બનાવની નોંધ કરી આગળની કાર્યવાહી હાથ ધરી છે

માર માર્યો

મોરબીમાં રહેતા ભરતભાઈ મગાભાઈ સોલંકી (38) નામના યુવાનને વાંકાનેર સીટી પાસે તેઓના સાળા રાજેશભાઈ સોલંકીએ લોખંડના પાઇપ વડે મારમાર્યો હતો જેથી તેઓને જમણા પગ અને ડાબા હાથમાં ઈજા થઈ હોવાથી ઇજા પામેલા યુવાનને સારવાર માટે મોરબીની હોસ્પિટલમાં લઈને આવ્યા હતા અને ત્યાં તેને સારવાર આપીને આ બનવાની પોલીસને જાણ કરવામાં આવી છે