હળવદના રાયસંગપર ગામ પાસે ડબલ સવારી બાઈક સ્લીપ થતા એકનું મોત: એકને ઇજા
Morbi Today
મોરબીમાં આઇપીએલની ક્રિકેટ મેચ ઉપર જુગાર રમતા એક પકડાયો, એકની શોધખોળ: ફૂલછાબ કોલોનીમાં જાહેરમાં જુગાર રમતા ચાર પકડાયા
SHARE
JOIN OUR GROUP
મોરબીમાં આઇપીએલની ક્રિકેટ મેચ ઉપર જુગાર રમતા એક પકડાયો, એકની શોધખોળ: ફૂલછાબ કોલોનીમાં જાહેરમાં જુગાર રમતા ચાર પકડાયા
મોરબીના રવાપર ગામ પાસે આવેલ શિવ શક્તિ સોસાયટીના નાકા નજીક આઇપીએલની ક્રિકેટ મેચ ઉપર હાર જીતનો જુગાર રમતા એક શખ્સ ઝડપાયો છે જોકે, એક શખ્સની શોધખોળ ચાલી રહી છે અને મોરબીની ફૂલછાબ કોલોનીમાં જાહેરમાં જુગાર રમતા ચાર શખ્સો મળી આવ્યા હોય પોલીસે તેને પકડીને ગુનો નોંધી આગળની કાર્યવાહી હાથ ધરી છે.
મોરબી સીટી એ ડિવિઝન પોલીસની ટીમ પેટ્રોલિંગમાં હતી ત્યારે મોરબીના રવાપર ગામ પાસે આવેલ શિવશક્તિ સોસાયટીના નાકા પાસે આઇપીએલની ટી - 20 ક્રિકેટ મેચ ઉપર હાર જીત અને રનફેરનો જુગાર રમવામાં આવતો હોવાનો સામે આવ્યું હતું જેથી કરીને પોલીસે સ્થળ ઉપરથી વિપુલભાઈ નરસંગભાઇ બાલાસરા (30) રહે શિવ શક્તિ સોસાયટી રવાપર વાળા ની ધરપકડ કરી હતી અને તેની પાસેથી 1,200 રોકડા અને 5,000 રૂપિયા ની કિંમતનો એક મોબાઈલ ફોન આમ કુલ મળીને 6,200 ની કિંમતનો મુદ્દામાલ કબજે કર્યો છે અને અન્ય એક શખ્સનો મોબાઈલ નંબર હાલમાં પકડાયેલ આરોપી પાસેથી મળ્યો હોય મોરબી એ ડિવિઝન પોલીસ સ્ટેશન ખાતે બે વ્યક્તિ સામે ગુનો નોંધી મોબાઈલ નંબરના ધારક ને પકડવા માટે તેને પોલીસ દ્વારા તજવીજ શરૂ કરવામાં આવી છે
મોરબી બી ડિવિઝન પોલીસની ટીમ પેટ્રોલિંગમાં હતી ત્યારે ફૂલછાબ સોસાયટીના મેઇન રોડ ઉપર જાહેરમાં જુગાર રમતા હોવાનું ધ્યાન કરાવ્યું હતું જેથી પોલીસ દ્વારા ત્યાં રેડ કરીને હરેશભાઈ અમરશીભાઈ સુરેલા (33), સલીમભાઈ રહીમભાઈ સુમરા (38), ઇમરાનભાઈ ઈસ્માઈલભાઈ હિંગોરજા (22) અને મુસ્તાકભાઈ ડોસુભાઈ પીંજારા (25) રહે. બધા મોરબી વાળાને જુગાર રમતા ઝડપી લેવામાં આવ્યા હતા અને તેની પાસેથી 2,010 ની રોકડ કબજે કરી બી ડિવિઝનમાં ગુનો નોંધી આગળની કાર્યવાહી હાથ ધરી છે
