મોરબીમાં હાઉસિંગ બોર્ડ નજીક વાહન ચાલકે બાઇકને ટક્કર મારતા સર્જાયેલ અકસ્માતમાં વૃદ્ધનું મોત

મોરબીમાં હાઉસિંગ બોર્ડથી ત્રાજપર ચોકડી તરફ જવાનો રસ્તા ઉપરથી વૃદ્ધ પોતાનું બાઈક લઈને પસાર થઈ રહ્યા હતા ત્યારે અન્ય વાહન ચાલાકે તેના બાઇકને ઠોકર મારી હતી જેથી અકસ્માતનો બનાવ બન્યો હતો જે બનાવમાં વૃદ્ધને ઇજાઓ થઈ હોવાથી તેનું મોત નીપજ્યું હતું અને આ બનાવ સંદર્ભે મૃતકના પત્નીએ નોંધાવેલ ફરિયાદ આધારે પોલીસે હાલમાં ગુનો નોંધી આરોપીને પકડવા માટે તજવીજ શરૂ કરી છે

મોરબીમાં મહારાણા સર્કલ પાસે આવેલ મહાવીરનગર સોસાયટી ઉમિયા ભુવન બ્લોક નંબર 42 ખાતે રહેતા લીલાવંતીબેન અમૃતલાલ આરદેસણા (68)એ હાલમાં વાહન નંબર જીજે 36 એક્સ 0676 ના ચાલક સામે ફરિયાદ નોંધાવેલ છે જેમાં તેને જણાવ્યુ છે કે, તેઓના પતિ હાઉસિંગ બોર્ડથી ત્રાજપર ચોકડી તરફ જવાના રસ્તા ઉપરથી પોતાનું બાઈક નંબર જીજે 3 બીસી 1461 લઈને પસાર થઈ રહ્યા હતા ત્યારે આરોપીએ પોતાના વાહનથી ફરિયાદીના પતિના બાઈકને ઠોકર મારી હતી જેથી અકસ્માતનો બનાવ બન્યો હતો જે બનાવમાં ફરિયાદીના પતિ અમૃતલાલને ગંભીર ઇજાઓ થઈ હોવાના કારણે તેનું મોત નિપજ્યું હતું જેથી આ બનાવ સંદર્ભે મૃતક વૃદ્ધના પત્નીએ નોંધાવેલ ફરિયાદ આધારે પોલીસે ગુનો નોંધી આરોપીને પકડવા માટે તજવીજ શરૂ કરેલ છે