મોરબીના સનાળા રોડ ઉપર આવેલ વીઆઇ ના સ્ટોરમાં સર્વર રૂમમાં લાગી આગ, મોટું નુકસાન

મોરબીના સનાળા રોડ ઉપર વોડાફોન (વીઆઈ)નો સ્ટોર આવેલો છે અને તેના સર્વર રૂમમાં કોઈ કારણોસર બપોરે અચાનક આગ લાગવાની ઘટના બની હતી જેથી કરીને આ બનાવની તાત્કાલિક મોરબી મહાપાલિકાના ફાયર વિભાગને જાણ કરતા ફાયરની ટીમ ઘટના સ્થળે પહોંચી હતી અને જે જગ્યા ઉપર આગ લાગી હતી ત્યાં ચાર વ્યક્તિઓ ફસાયેલા હતા જેથી તેને ફાયરની ટીમ દ્વારા સહી સલામત રીતે નીચે ઉતારવામાં આવ્યા હતા અને ત્યારબાદ ફાયર ફાઈટિંગ કરીને સર્વર રૂમમાં લાગેલી આગને કાબુમાં લેવામાં આવી હતી જોકે, આગ કાબુમાં આવી ત્યાં સુધીમાં સ્ટોરના માલિકને મોટું નુકસાન થયું હોવાનું જાણવા મળી રહ્યું છે.

મોરબીના સનાળા રોડ ઉપર રામચોકથી આગળના ભાગમાં આવેલ વોડાફોન (વીઆઈ) સ્ટોરના સર્વર રૂમની અંદર બપોરે 2:00 વાગ્યાના અરસામાં આગ લાગવાની ઘટના બની હતી જેથી તાત્કાલિક આ બનાવની મોરબી મહાપાલિકાના ફાયર વિભાગને જાણ કરતા ફાયરની ટીમ ફાયર ફાયટર સાથે તાત્કાલિક ઘટના સાથે પહોંચી હતી અને વીઆઇ સ્ટોરના સર્વર રૂમમાં લાગેલી આગને કાબુમાં લેવા માટે કામગીરી હાથ ધરવામાં આવી હતી જો કે, જે જગ્યા ઉપર આગ લાગી હતી ત્યાં ચાર વ્યક્તિઓ ફસાયા હોય તેને ફાયર વિભાગની ટીમ દ્વારા પહેલા નીચે ઉતારવામાં આવ્યા હતા અને ત્યારબાદ જે જગ્યા ઉપર આગ લાગી હતી તેને કાબુમાં કરવા માટે પાણીનો મારો શરૂ કરવામાં આવ્યો હતો અને સર્વર રૂમમાં લાગેલી આગના લીધે કોમ્પ્યુટર સિસ્ટમ સહિતની વસ્તુઓ ત્યાં બળીને ખાખ થઈ ગઈ છે હાલમાં સર્વર રૂમમાં લાગેલી આગ શોર્ટ સર્કિટના કારણે લાગી હોવાની શક્યતા ફાયર વિભાગની ટીમ વ્યક્ત કરી રહી છે તો બીજી બાજુ વોડાફોન સ્ટોરના માલિક અભિજીતસિંહ જાડેજાએ જણાવ્યું હતું કે ફાયરની ટીમ દ્વારા સ્થળ ઉપર આવીને તાત્કાલિક કામગીરી શરૂ કરવામાં આવી ન હતી જેથી આગ વિકરાળ બની હતી અને સ્ટોરમાં વધુ નુકસાન થયું છે અને ખાસ કરીને સર્વર રૂમમાં મૂકવામાં આવેલ કોમ્પ્યુટર સીસ્ટમ સહિતની વસ્તુઓ બળીને ખાખ થઈ ગઈ છે