મોરબીની યુવતી સાથે દુષ્કર્મ આચરીને ન્યુડ ફોટો વાયરલ કરવાની ધમકી આપવાના ગુનામાં પકડાયેલ રાજકોટનો શખ્સ જેલ હવાલે
SHARE
JOIN OUR GROUP
મોરબીની યુવતી સાથે દુષ્કર્મ આચરીને ન્યુડ ફોટો વાયરલ કરવાની ધમકી આપવાના ગુનામાં પકડાયેલ રાજકોટનો શખ્સ જેલ હવાલે
સોશયલ મીડિયાનો આડેધડ ઉપયોગ ઘણી વખત લોકોની મુશ્કેલીમાં વધારો કરે છે તેવામાં મોરબીના ગ્રામ્ય વિસ્તારમાં રહેતા પરિવારની યુવતી ગંભીર બનાવ બનેલ છે જેમાં યુવતીનો સ્નેપચેટ એપ્લીકેશનથી સંપર્ક કરીને યુવાને તેને પ્રેમજાળમાં ફસાવી હતી અને બાદમાં લગ્નની લાલચ આપીને યુવતીનું અપહરણ કરીને તેની સાથે દુષ્કર્મ આચર્યું હતું અને તે યુવતીના ન્યુડ ફોટા પાડી લઈને તેને વાઇરલ કરવાની અને મારી નાખવાની ધમકી આપી હતી જે ગુનામાં પોલીસે આરોપીની ધરપકડ કરીને કોર્ટમાં રજૂ કરીને આરોપીને જેલ હવાલે કરેલ છે.
વર્તમાન સમયમાં સોશ્યલ મીડિયાના ઉપયોગના બદલે અતિરેક અને અજાણ્યા લોકોની સાથે સંર્પકના લીધે ઘણી વખત સમાજ માટે લાલબતી કહી શકાય તેવા બનાવ બની રહ્યા છે તેવામાં મોરબીમાં પણ સોશ્યલ મીડિયાથી અજાણ્યા વ્યક્તિના સંપર્કમાં આવેલા શખ્સે યુવતીને પ્રેમજાળમાં ફસાવી હતી અને ત્યાર બાદ યુવતી સાથે દુષ્કર્મ કરવામાં આવ્યું હતુ
મોરબી એ ડિવિઝન પોલીસ સ્ટેશન ખાતે યુવતીએ રાજકોટના રહેવાસી સોહીલખાન ફીરોજખાન પઠાણની સામે ફરિયાદ કરી હતી કે, આરોપીએ સ્નેપચેટ એપ્લીકેશનથી ફરિયાદીનો સંપર્ક કર્યો હતો ત્યાર બાદ તેની અપહરણ કરીને સોહિલખાણ તે યુવતીને પોતાના ઘરે લઈ ગયો હતો અને ત્યાં તેની સાથે દુષ્કર્મ કર્યું હતું જે ગુનામાં આરોપી સોહીલખાન ફીરોજખાન પઠાણ રહે. જંગ્લેશ્વર તવકલ ચોક, શેરી નં. 28 રાજકોટ વાળાની ધરપકડ કરેલ હતી અને આરોપીને કોર્ટમાં રજૂ કરીને જેલ હવાલે કરવામાં આવેલ છે.
આ બનાવ સંદર્ભે ડીવાયએસપી જે.એમ.આલની પત્રકાર પરિષદ યોજાઇ હતી જેમાં તેઓએ જણાવ્યુ હતું કે, 3 મહિના પહેલા સ્નેપચેટ એપ્લીકેશનથી આરોપી ફરિયાદીના સંપર્કમાં આવેલ હતો અને ત્યાર બાદ ફરિયાદીને મોરબી મળવા માટે પણ આરોપી આવતો હતો અને ફરીયાદીને લગ્નની લાલચ આપી હતી તેનું મોરબીમાં આયુષ હોસ્પિટલ પાસેથી ગત તા. 10/5 ના રોજ રાત્રીના સાડા આઠેક વાગ્યાના અરસામાં અપહરણ કર્યું હતું અને ત્યાર બાદ ફરિયાદીને આરોપી તેના જ ઘરે લઈ ગયો હતો ત્યાં તેની સાથે દુષ્કર્મ કર્યું હતું અને ફરિયાદીના ન્યુડ ફોટા પાડી લઈને જો તું હવે મારા ઘરેથી કયાંય જઈશ તો હું તારા ફોટા વાઇરલ કરી દઇશ તેવી ઘમકી આપી હતી આટલુ જ નહીં આ બાબતની કોઇને જાણ કરીશ તો તને જીવતી નહી છોડુ તારુ ગળુ દબાવીને મારી નાખીશ તેમ ધમકી આપી હતી
આજના આધુનિક યુગમાં જો સોશ્યલ મીડિયાનો સમજી વિચારીને વિવકપૂર્ણ અને ખાસ કરીને પોતાના સગા સબંધી અને મિત્રો પૂરતો જ દરેક વ્યક્તિ દ્વારા ઉપયોગ કરવામાં આવે તો જ હાલમાં મોરબીમાં જે ઘટના બની છે આવી ઘટનાઓને બનતી અટકાવી શકાય તેમ છે પરંતુ જો આડેધડ સોશયલ મીડિયાનો ઉપયોગ કરવામાં આવે અને ખાસ કરીને અજાણ્યા લોકો ઉપર આંધળો વિશ્વાસ મૂકવામાં આવે તો મોરબીમાં હાલમાં જેવો બનાવ યુવતી સાથે બનેલ છે તેવા બનાવ ગમે ત્યારે કોઈપણ વ્યક્તિ સાથે બની શકે છે તેમાં શંકાને કોઈ સ્થાન નથી.
