મોરબીમાં ચલણી નોટના નંબર આધારે જુગાર રમતા 4 શખ્સ પકડાયા

મોરબીમાં માધાપરના ઝાપા પાસે પોલીસ દ્વારા જુગારની રેડ કરવામાં આવી હતી ત્યારે ત્યાં સ્થળ ઉપરથી ચલણી નોટના નંબર આધારે જુગાર રમતા ચાર શખ્સો મળી આવ્યા હતા જેથી પોલીસે 6,100 ની રોકડ સાથે તેની ધરપકડ કરી હતી અને મોરબી એ ડિવિઝન પોલીસ સ્ટેશન ગુનો નોંધીને પોલીસે આગળની કાર્યવાહી કરી હતી.

મોરબીમાં માધાપરના ઝાપા પાસે ચલણી નોટના આધારે જુગાર રમતા હોવાની હકીકત મળી હતી તેના આધારે પોલીસે ત્યાં જુગારની રેડ કરી હતી ત્યારે સ્થળ ઉપરથી જુગાર રમતા કાનજીભાઈ રામજીભાઈ પરમાર (55) રહે. ગોકુલનગર મોરબી, પરસોતમભાઈ દેવરાજભાઈ ડાભી (64) રહે. માધાપર મોરબી, સલીમભાઈ ઓસમાણભાઈ દલ (49) રહે. કુલી નગર મોરબી અને ચંદ્રેશભાઇ અશોકભાઈ જોશી (40) રહે. મહેન્દ્રપરા મોરબી વાળા જુગાર રમતા મળી આવ્યા હોય પોલીસે તેની પાસેથી 6,100 ની રોકડ કબજે કરી હતી અને મોરબી એ ડિવિઝન પોલીસ સ્ટેશન ખાતે જુગારધારા હેઠળ ગુનો નોંધીને આગળની કાર્યવાહી હાથ ધરી છે. 

વરલી જુગાર
માળીયા તાલુકાના રાસંગપર ગામના પાટીયા પાસે જાહેરમાં વરલી જુગારની રેડ કરી હતી ત્યારે સ્થળ ઉપરથી આદમભાઈ અલીયાસભાઈ ભટ્ટી (42) રહે. માળિયા મીયાણા વાળો વરલી જુગારના આંકડા લેતા મળી આવેલ હોય પોલીસે 140 રૂપિયાની રોકડ સાથે તેની ધરપકડ કરી હતી અને માળિયા તાલુકા પોલીસ સ્ટેશન ખાતે ગુનો નોંધી આગળની કાર્યવાહી હાથ ધરી છે.

#મોરબી #morbi