મોરબીના ભરતનગર ગામ પાસે ડબલ સવારી બાઇકને અજાણ્યા બાઈક ચાલકે હડફેટે લેતા ઈજા પામેલ દંપતી સારવારમાં
Morbi Today
વાંકાનેરના રાતાવિરડા ગામ પાસે કારખાનામાં ઈલેક્ટ્રીક શોર્ટ લાગતા યુવાનનું મોત: મોરબીના કોયલી ગામ નજીક ડેમમાં ડૂબી જવાથી વૃદ્ધાનું મોત
SHARE
JOIN OUR GROUP
વાંકાનેરના રાતાવિરડા ગામ પાસે કારખાનામાં ઈલેક્ટ્રીક શોર્ટ લાગતા યુવાનનું મોત: મોરબીના કોયલી ગામ નજીક ડેમમાં ડૂબી જવાથી વૃદ્ધાનું મોત
વાંકાનેર તાલુકાના રાતાવિરડા ગામ પાસે આવેલ કારખાનાની અંદર કામ કરતા સમયે યુવાનને ઇલેક્ટ્રીક શોર્ટ લાગવાથી તેનું મોત નીપજ્યું હતું જ્યારે મોરબી નજીકના કોયલી ગામ પાસે આવેલ ડેમના પાણીમાં ડૂબી જવાના કારણે વૃદ્ધાનુ મોત નીપજ્યું હતું આ બંને બનાવની સ્થાનિક પોલીસ સ્ટેશન ખાતે જાણ કરવામાં આવતા પોલીસે બનાવની નોંધ કરી રાબેતા મુજબની કાર્યવાહી હાથ ધરી હતી
મૂળ મધ્યપ્રદેશના રહેવાસી અને હાલમાં વાંકાનેર તાલુકાના રાતાવીરડા ગામ પાસે આવેલ ત્યાં સ્પેકોન ટાઇલ્સ નામના કારખાનામાં રહેતા અને મજૂરી કામ કરતાં રિતેશભાઇ પ્રેમનારાયણ વર્મા (26) નામનો યુવાન કારખાનાની અંદર કામ કાજ કરી રહ્યો હતો દરમિયાન તેને ઇલેક્ટ્રીક શોટ લાગ્યો હતો જેથી કરીને તે યુવાનને તાત્કાલિક સારવાર માટે મોરબીની સરકારી હોસ્પિટલ ખાતે લઈને આવ્યા હતા અને ત્યાં ફરજ પરના ડોક્ટરે યુવાનને જોઈ તપાસીને મૃત જાહેર કર્યો હતો અને ત્યારબાદ આ બનાવની હોસ્પિટલ મારફતે વાંકાનેર તાલુકા પોલીસ સ્ટેશન ખાતે જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી હતી
મોરબી તાલુકાના કોયલી ગામે રહેતા અમુબેન રાયધનભાઈ જારીયા (60) નામના વૃદ્ધા ગામની બાજુમાં આવેલ ડેમ પાસે ગયા હતા અને ત્યાં કોઈપણ કારણોસર તે ડેમના પાણીમાં ડૂબી ગયા હતા જેથી પાણીમાં ડૂબી જવાના કારણે તેમનું મોત નિપજયુ હતું ત્યારબાદ તેના મૃતદેહને પીએમ માટે મોરબીની સરકારી હોસ્પિટલ ખાતે લઈને આવ્યા હતા અને આ બનાવની હોસ્પિટલ મારફતે મોરબી તાલુકા પોલીસ સ્ટેશન ખાતે જાણ કરતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી હતી
