હળવદના કોયબા ગામે જુગાર રમતા 5 શખ્સ 14,200 ની રોકડ સાથે ઝડપાયા

હળવદના કોયબા ગામે જુગાર રમતા હોવાની હકીકત મળી હતી જેના આધારે પોલીસે ત્યાં જુગારની રેડ કરી હતી ત્યારે સ્થળ ઉપરથી પાંચ શખ્સો જુગાર રમતા મળી આવ્યા હતા જેથી પોલીસે 14,200 ની રોકડ સાથે તેની ધરપકડ કરી હતી અને હળવદ તાલુકા પોલીસ સ્ટેશન ખાતે ગુનો નોંધી પોલીસે આગળની કાર્યવાહી હાથ ધરી છે.

હળવદ તાલુકાના કોયબા ગામે જગદીશભાઈ રાવલના કબજા વાળી જગ્યામાં જુગાર રમતા હોવાની હકીકત મળી હતી જેના આધારે સ્થાનિક પોલીસે ત્યાં રેડ કરી હતી ત્યારે સ્થળ ઉપરથી જગદીશભાઈ મુગટલાલ રાવલ (50) રહે. કોયબા, વિજયસિંહ કરણસિંહ ઝાલા (35) રહે. કોયબા, દયારામભાઈ ભીખાભાઈ ધારિયા પરમાર (45) રહે. ગોરી દરવાજા રામાપીરના મંદિર પાસે હળવદ, વનરાજભાઈ ભરતભાઈ ચાવડા (35) રહે. કોયબા અને સૂર્યરાજસિંહ ભૂપતસિંહ ઝાલા (41) રહે. કોયબા વાળા જુગાર રમતા મળી આવ્યા હોય પોલીસે તેની પાસેથી 14,200 ની રોકડ કબજે કરી હતી અને હળવદ તાલુકા પોલીસ સ્ટેશન ખાતે ગુનો નોંધીને પોલીસે આગળની કાર્યવાહી હાથ ધરી છે.