Morbi Today
મોરબીના પીપળી પાસે બાઈકને હડફેટ લઈને યુવાનનું મોત નીપજવનારા ટ્રક ચાલક સામે ગુનો નોંધાયો
SHARE
JOIN OUR GROUP
મોરબીના પીપળી પાસે બાઈકને હડફેટ લઈને યુવાનનું મોત નીપજવનારા ટ્રક ચાલક સામે ગુનો નોંધાયો
મોરબીના જેતપર રોડ ઉપર છાશવારે વાહન અકસ્માત થાય છે જેમાં નિર્દોષ લોકોના જીવ જાય છે તેવી જ રીતે મોરબીના જેતપર રોડ ઉપર પીપળી ગામના બસ સ્ટેશન પાસે ટ્રકના ચાલકે બાઇકને બે દિવસ પહેલા હડફેટે લીધું હતું જેથી કરીને જામનગરના રણજીતપર ગામના યુવાનનું મોત નિપજયું હતું આ બનાવમાં મૃતકના કૌટુંબિક ભાઈએ હાલમાં મોરબી તાલુકા પોલીસ સ્ટેશન ખાતે ટ્રક ચાલક સામે ફરિયાદ નોંધવતા પોલીસે ગુનો નોંધીને આરોપીને પકડવા માટે તજવીજ શરૂ કરી છે.
મોરબીના જેતપર રોડ ઉપર પીપળી ગામના બસ સ્ટેશનની પાસે વાહન અકસ્માતનો બનાવ બન્યો હતો. જેમાં બાઇક લઇને જઇ રહેલા જામનગર જિલ્લાના રણજીતપર ગામના ભરતભાઈ પીઠાભાઈ ગોરીયા નામના ૩૦ વર્ષીય યુવાનના બાઇકને અજાણ્યા ટ્રકના ચાલકે હડફેટે લીધું હતું જેથી ભરતભાઈ પીઠાભાઈ ગોરીયાને ગંભીર ઇજાઓ થયેલ હતી અને તેનું મોત નિપજયું હતું આ બનાવમાં હાલમાં મૃતકના કૌટુંબિક ભાઈ સુખદેવભાઇ આલાભાઇ માડમ જાતે આહીર (ઉ.૨૬) રહે. હાલ મધુસ્મૃતિ સોસાયટી મૂળ રહે નઘેડિ જામનગર વાળાએ અજાણ્યા આઇસર ચાલક જેના વાહનના નંબરની ખબર નથી તેની સામે ફરિયાદ નોંધાવતાં પોલીસે ગુનો નોંધીને આરોપીને પકડવા માટે તજવીજ શરૂ કરેલ છે.
