હળવદના ધરતીનગરમાં મિત્રનો ફોન ઉપાડનાર યુવાન ઉપર તલવાર-છરી વડે બે શખ્સોએ કર્યો હુમલો..!
Morbi Today
વાંકાનેરના સરતાનપર રોડે મહાવીર ખાણા નામની હોટલમાંથી બે કિલો ગાંજા સાથે બે શખ્સ પકડાયા, એકની શોધખોળ
SHARE
JOIN OUR GROUP
વાંકાનેરના સરતાનપર રોડે મહાવીર ખાણા નામની હોટલમાંથી બે કિલો ગાંજા સાથે બે શખ્સ પકડાયા, એકની શોધખોળ
વાંકાનેર તાલુકાના સરતાનપર રોડ પર મહાવીર ખાણા રાજસ્થાની દાલ બાટી નામની હોટલની પાછળ રહેણાક દુકાન નં.ર માં બે ઇસમ પાસે ગાંજો હોવાની બાતમી મળી હતી જેના આધારે એસઓજીની ટીમ દ્વારા ત્યાં ચેકિંગ કરવામાં આવ્યું હતું ત્યારે બે કિલો ગાંજો મળી આવ્યો હતો જેથી મોબાઈલ, વજન કાંટો સહિતનો મુદામાલ કબજે કરીને પોલીસે ૩૬૭૦૦ ના માલ સાથે બે આરોપીની ધરપકડ કરેલ છે.
મોરબી જિલ્લાના જુદાજુદા વિસ્તારમાં મોટા પ્રમાણમા ગાંજાનું વેચાણ કરવામાં આવે છે તેમાં શંકાને કોઈ સ્થાન નથી કેમ કે, થોડા સમય પહેલા વાંકાનેર સિટી અને તાલુકામાંથી ગાંજાના મોટા જથ્થા સાથે પોલીસે આરોપીઓને પકડ્યા હતા અને સુરતથી ગાંજો મોરબી જીલ્લામાં આવતો હોવાની માહિતી સામે આવી હતી ત્યાર બાદ હાલમાં પણ વાંકાનેર તાલુકાની હદમાંથી એસઓજીની ટીમે ગાંજાના જથ્થા સાથે બે શખ્સોને ઝડપી લીધા છે.
મોરબી જિલ્લા એસઓજીના પીએસઆઈ પી.જી.પનારાને બાતમી મળી કે આરોપી ધર્મેન ઉર્ફે ધરમુ નંદકિશોર ઉર્ફે નંદરામ તીવારી જાતે પંડીત (ઉ.૨૧) તથા સુનીલ નંદકિશોર ઉર્ફે નંદરામ તીવારી જાતે પંડીત (ઉ.૩૨) રહે. બન્ને હાલ સરતાનપર રોડ મહાવિર ખાનાહાઉસ રાજસ્થાની દાલબાટી હોટલ પાછળ દુકાન નં.ર મુળ રહે. ધનોરા મધ્ય પ્રદેશ વાળાની કબ્જા ભોગવટા વાળી મહાવીર ખાણા રાજસ્થાની દાલબાટી નામની હોટલની પાછળ રહેણાક દુકાન નં.ર માં ગાંજાનો જથ્થો મંગાવી છુપી તેનું વેચાણ કરે છે.
જેથી ત્યાં રેડ કરી હતી ત્યારે સ્થળ ઉપરથી બે કિલો ગાંજાનો જથ્થો મળી આવ્યો હતો જેથી પોલીસે ૨૦૦૦૦ નો ગાંજો, બે મોબાઇલ, રોકડા રૂપિયા ૧૫,૧૦૦ તથા એક ડીજીટલ વજન કાંટો આમ કુલ મળીને ૩૬,૭૦૦ નો મુદામાલ કબજે કરેલ છે અને આ શખ્સોની પુછપરછમાં આરોપી જયમલસિંહ સુમેરસિંહ રાજપુત ઉર્ફે મારવાડી હાલ રહે. મકનસર મુળ રાજસ્થાન વાળો આ જથ્થો આપી ગયેલ છે તેવું તે કહી રહ્યા છે માટે ત્રણેય શખ્સોની સામે ગુનો નોંધીને હાલમાં બે આરોપી પકડવામાં આવેલ છે અને એક આરોપીને પકડવા માટે ચક્રોગતિમાન કરેલ છે.
