મોરબી તા.૩ વિશ્વ વન્યજીવ દિવસ તથા તા.૪ રાષ્ટ્રીય સુરક્ષા દિવસનાં અનુસંધાને પૃથ્વી પર તમામ જીવો નું સંરક્ષણનો સંકલ્પ કરીએ વિષયનાં અનુસંધાને ઘરે બેઠાં તમને મનપસંદ પ્રાણીનું ચિત્ર દોરી તે પ્રાણીના રક્ષણ માટે કેટેગરી મુજબ આપેલ પ્રશ્નનો જવાબના વિચારોનો શોર્ટકટ વિડીયો બનાવીને સ્પર્ધામાં ભાગ લેવા જણાવાયેલ છે.

ગુજરાત કાઉન્સિલ ઑન સાયન્સ એન્ડ ટેકનોલોજી ગુજરાત સરકાર ગાંધીનગર દ્વારાં માન્ય આર્ય ભટ્ટ લોક વિજ્ઞાન કેન્દ્ર ધી વી.સી. ટેક. હાઈસ્કૂલ દ્વારાં તા.૩ માર્ચ વિશ્વ વન્ય જીવ દિવસ તા.૪ માર્ચ રાષ્ટ્રીય સુરક્ષા દિવસ પૃથ્વી ઉપરનાં તમામ જીવોનાં સંરક્ષણ એટલે કે જાળવણીનો સંકલ્પ કરીએનાં અનુસંધાને ડ્રોઇંગ સીટમાં પ્રાણીનું ચિત્ર દોરી તે પ્રાણીનાં રક્ષણ માટે કેટેગરી મુજબ ભાગ લેવા જણાવાયેલ છે.કેટેગરી-૧ મારાં મનપસંદ વન્ય જીવોને જાળવવા આટલું જરૂર કરીશ, કેટેગરી-૨ ધો.૫ થી ૮ મારાં મનપસંદ વન્ય જીવોનાં રક્ષણ-જાળવણી કરવાં કેવાં પ્રયત્નો કરીશનો બે મીનીટનો વિડીયો,
કેટેગરી-૩ ધો.૯ થી ૧૨ મારાં મનપસંદ વન્ય જીવોની સુરક્ષા-જાળવણી માટે હું શું શું કરી શકું ? બે થી અઢી મીનીટ નો વિડીયો, કેટેગરી-૪ કૉલેજનાં વિધાર્થીઓ શિક્ષક મિત્રો તથા વાલીશ્રીઓ માટે મારાં મનપસંદ વન્ય જીવોને સાચવવા અને લોકોને જાગૃત કરવા હું શું કરી શકું ? નો અઢીથી ત્રણ મિનીટનો વિડીયો દ્વારાં રજુઆત કરવાની રહેશે.ઉપરોકત સ્પર્ધામાં પ્રાણીનું ચિત્ર દોરી કેટેગરી મુજબ દોરેલ પ્રાણીનાં રક્ષણ અંગે પ્રશ્નનાં આપેલ સમય મર્યાદામાં તેનાં યોગ્ય ઉત્તરનો શોર્ટકટ વિડીયો બનાવીને તા.૪-૩ રાતના નવ સુધીમાં એલ.એમ.ભટ્ટ (મો.98249 12230, 87801 27202) અથવા દિપેનભાઈ ભટ્ટ (મો.97279 86386) પૈકી  કોઇપણ એક નંબર ઉપર જ મોકલાવવા યાદીમાં જણાવાયેલ છે.
       
મહાશિવરાત્રી પર્વ નિમિત્તે ત્રણ જોડી ટ્રેનોમાં વધારાના કોચ લાગશે 

પશ્ચિમ રેલવે દ્વારા મહાશિવરાત્રી પર્વ નિમિત્તે મુસાફરોની સુવિધા માટે ત્રણ જોડી ટ્રેનોમાં એક વધારાનો જનરલ કોચ અસ્થાયી રૂપે ઉમેરવાનો નિર્ણય કર્યો છે. રાજકોટ ડિવિઝન ના સિનિયર ડીસીએમ, શ્રી અભિનવ જેફે જણાવ્યા અનુસાર, ટ્રેન નંબર 09521/09522 રાજકોટ-સોમનાથ-રાજકોટ, ટ્રેન નંબર 09514/09513 રાજકોટ-વેરાવળ-રાજકોટ અને ટ્રેન નંબર 19207/19208 પોરબંદર-સોમનાથ-પોરબંદર માં 26 ફેબ્રુઆરી થી લઈને 3 માર્ચ,  2022 સુધી વધારાનો એક જનરલ કોચ લગાવવામાં આવશે. ઉલ્લેખનીય છે કે હાલ માં રેલવે તંત્ર દ્વારા ટ્રેન નંબર 19119/19120 અમદાવાદ-સોમનાથ-અમદાવાદ ઇન્ટરસિટી એક્સપ્રેસમાં કાયમી ધોરણે બે વધારાના જનરલ કોચ ઉમેરવામાં આવ્યા છે, જે મુસાફરો માટે ખૂબ જ ઉપયોગી સાબિત થઈ રહ્યા છે.