મોરબીના મકનસર ગામે યુવાનને ગાળો આપી જાતિ પ્રત્યે હડધુત કરનાર છ સામે ફરિયાદ નોંધાઇ મોરબીમાં પુત્ર સાથે ઝઘડો કરતા વ્યક્તિને સમજાવવા જતા પથ્થર મારીને નાક તોડી નાખ્યુ, પ્રેમજીનગરમાં ગાળો બોલવાની ના પાડતા છરી વડે હુમલો મોરબીના વાવડી રોડ ઉપર પોલીસ ફરિયાદ કરી હોવાનો રોષ રાખી યુવાનો ઉપર પાઇપ અને લોખંડના ઘણ વડે હુમલો હળવદના જુના માલણીયાદ ગામ પાસે પાણીમાં ફસાયેલા 2 મહિલા સહિત 5 લોકોનું NDRF ની ટીમ રેસ્ક્યુ કર્યું, 7 લોકો જાતે બહાર આવી ગયા મોરબીના આમરણથી જોડિયા તરફ જવાના રસ્તા ઉપર નવા બનતા પુલનું ડાયવર્ઝન ધોવાયું, ભારે વાહનો માટે રસ્તો બંધ, નવા પુલ ઉપરથી નાના વાહનોની અવરજવર શરૂ મોરબીના તળાવીયા સનાળા ગામે બીમાર વૃદ્ધને ખાટલમાં સુવડાવીને ખભા ઉપર ખાટલો લઈને પાણીની બહાર કાઢ્યા શનિવારે રાત્રે 8:30 વાગ્યે મોરબીના મચ્છુ-2 ડેમના માત્ર 4 દરવાજા 10 ફૂટ સુધી ખુલ્લા: પાણીની આવક ઘટી મોરબીના મહેન્દ્રનગર ગામનો ધાયડી વિસ્તારમાં બેટમાં ફેરવાયો !

Breaking news

Morbi Today

મોરબીમાં કડિયા કામની મજૂરી બાબતે બોલાચાલી બાદ મારામારી

12-03-2022 01:12 PM

મોરબીમાં કડિયા કામની મજૂરી બાબતે બોલાચાલી બાદ મારામારી

મોરબીના રોહીદાસપરા વિસ્તારમાં યુવાનને તેના કૌટુંબિક ભાઇ સાથે કડીયાકામની મજૂરીના પૈસા બાબતે બોલાચાલી થઈ હતી અને ત્યારબાદ મારામારીના બનાવમાં ઇજાઓ થતાં યુવાનને સારવાર માટે ખસેડાયો હતો અને બાદમાં યુવાને ફરિયાદ નોંધાવતા પોલીસે તપાસ હાથ ધરી છે.

મોરબી સીટી બી ડિવિઝન પોલીસ સૂત્રોમાંથી મળતી માહિતી મુજબ મોરબીના વીસીપરામાં આવેલ રોહીદાસપરામાં રહેતા જયેશ રવજીભાઈ ચૌહાણ નામના ૨૮ વર્ષીય યુવાનને મારામારીના બનાવમાં ઇજાઓ થતાં તેને સારવાર માટે ખસેડવામાં આવ્યો હતો અને સારવાર લીધા બાદ જયેશ ચૌહાણે તેના કૌટુંબિક ભાઇ અને રોહીદાસપરામાં મહાકાળી માતાના મઢ પાસે રહેતા દિલીપ ખીમજીભાઈ ચૌહાણ વિરુદ્ધ ફરિયાદ નોંધાવી જણાવ્યું હતું કે, બંને કૌટુંબિક ભાઈઓ થતા હોય અને સાથે કડીયાકામની મજૂરીનું કામકાજ કરતા હતા દરમિયાન કડીયાકામની મજુરીના પૈસા બાબતે દિલીપે બોલાચાલી કરી હતી અને તે દરમિયાન દિલીપ ચૌહાણ દ્વારા તેને ઢીકાપાટુ વડે માર મારવામાં આવ્યો હતો હાલ બી ડિવિઝન પોલીસે જયેશભાઇની ફરીયાદ નોંધીને આગળની તપાસ શરૂ કરી છે.

મહિલા સારવારમાં

મોરબીના વાવડી રોડ ઉપર ઘર નજીક ઝેરી જનાવર કરડી જતા મધુબેન ગણપતભાઇ ડીંડોર નામની ૩૫ વર્ષીય મહિલાને સારવાર માટે સિવિલ હોસ્પિટલે લાવવામાં આવ્યા હતા.જ્યારે મોરબીના માળિયા મિંયાણા તાલુકાના નાની બરાર ગામે રહેતા પુનિત પ્રવીણભાઈ પરમાર નામના ૧૮ વર્ષીય યુવાને તેના ઘેર કોઈ અકળ કારણોસર ઝેરી દવા પી લેતાં તેને સારવાર માટે અહીંની સિવિલ હોસ્પિટલે લાવવામાં આવ્યો હતો.

મારામારીમાં ઇજા

મોરબીના નગર દરવાજા ચોક પાસે ગઇકાલે મારામારીનો બનાવ બન્યો હતો જે બનાવમાં ઇજાઓ થવાથી અહીંના ગ્રીનચોક વિસ્તારમાં રહેતા સંગીતાબેન રવિભાઈ વાઢેરા (ઉમર ૩૦) અને તેમના પુત્ર પ્રણય રવિભઆઇ વઢેરા (ઉમર ૪) ને ઈજાઓ થતાં બંનેને સારવાર માટે સિવિલ હોસ્પિટલે લઈ જવાયા હતા. જ્યારે મોરબીના વાવડી રોડ ઉપર રહેતા રાજેશભાઈ કાંતિભાઈ વિઠ્ઠલાપરા નામનો ૩૫ વર્ષીય યુવાન પોતાની દુકાનેથી ઘરે જતો હતો ત્યારે શહેરના ગાંધીચોક પાસે કોઇ એક્ટીવાના ચાલકે તેને હડફેટે લેતા ઇજા થવાથી રાજેશ વિઠ્ઠલાપરાને સારવારમાં ખસેડાયો હતો.