ટંકારાના સરાયા ગામ પાસે ડબલ સવારી બાઇકને આઇસર ચાલકે હડફેટે લેતા એકનું મોત, એકને ઇજા
Morbi Today
હળવદ નજીક સુખપર પાસે અકસ્માત સર્જીને યુવાનનું મોત નીપજવનારા ટ્રક ચાલક સામે ગુનો નોંધાયો
SHARE
JOIN OUR GROUP
હળવદ નજીક સુખપર પાસે અકસ્માત સર્જીને યુવાનનું મોત નીપજવનારા ટ્રક ચાલક સામે ગુનો નોંધાયો
હળવદ ધાંગધ્રા હાઈવે ઉપર આવેલ સુખપર ગામ નજીક આગળ જઈ રહેલા ટ્રકની પાછળના ભાગમાં બીજા ટ્રક ચાલકે પોતાની ટ્રક અથડાવ્યો હતો જેથી કરીને આગળના ટ્રકમાં બેઠેલ વ્યક્તિને નાકના ભાગે અને કપાળના ભાગે ગંભીર ઈજા થઈ હતી જેથી તેનું મોત નીપજ્યું હતું અને બંને ટ્રકનાં નુકશાની થઇ હતી જે બનાવ સંદર્ભે ટ્રકચાલકે ફરિયાદ નોંધાવતા પોલીસે ગુનો નોંધીને આગળની રાબેતા મુજબની કાર્યવાહી હાથ ધરી છે
જાણવા મળતી વિગત પ્રમાણે હળવદ ધાંગધ્રા હાઈવે ઉપર સુખપર ગામના નદીના પુલ નજીક અનિલભાઈ દેવશીભાઇ હડિયા જાતે આહીર (ઉમર ૪૪) રહે. મેઘપર બોરીચી તાલુકો અંજાર વાળા પોતાના હવાવાળો ટ્રક નંબર જીજે ૧૨ બીવી ૮૬૩૧ લઈને જઈ રહ્યા હતા ત્યારે આરોપીએ પોતાના હવાવાળો ટ્રક નંબર જીજે ૧૨ બીવી ૬૯૭૫ ને પાછળથી ધડાકાભેર અથડાવ્યો હતો જેથી કરીને ફરિયાદી અનિલભાઈના ટ્રકમાં બેઠેલા સંપતસિંહ (ઉંમર ૨૯) ને નાકે અને કપાળના ભાગે ગંભીર ઈજા થઈ હતી જેથી તેનું મોત નીપજ્યું હતું અને ફરિયાદીને પણ ઈજા થઈ હતી માટે તેને સારવારમાં ખસેડવામાં આવ્યા હતા આટલું જ નહીં ફરિયાદી ટ્રકમાં પાછળના ભાગમાં તેમજ આરોપીના ટ્રકમાં આગળના ભાગે નુકસાન થયું હતું હાલમાં પોલીસે અનિલભાઈની ફરિયાદ લઈને આરોપી મહેન્દ્રસિંહ દિલીપસિંહ માલાવત રહે. માલાકાચોડા (રાજસ્થાન) વાળાની સામે ગુનો નોંધી તેની અટકાયત કરી આગળની કાર્યવાહી હાથ ધરેલ છે
